Deteniu un zaragozan por filtrar o nuevo triballo de Madonna

O deteniu ha estau deixau en libertat con cargos, y ye gran fan de Madonna

J.M.R. de 31 anyos d’edat, y vecin de Zaragoza, ha siu deteniu por a policía espanyola por filtrar partis d’o nuevo triballo de Madonna y penchar iste triballo en Internet.

A rechira policial s’encieta dimpués que l’entorno d’a cantant parase cuenta en bellas filtracions que s’heban produciu. O despacho d’advogaus de l’artista denuncian o caso, y detectan que as filtracions se producen dende Aragón.

Seguntes a policía, “dau l’amplo grau de notoriedat y relevancia social de Madonna, asinas como a valor d’os danyos fan que encetemos una gran investigación”. En totz dos rechistros feitos por a policia s’intervenió material informatico variau que conteneba as cantas filtradas obchecto d’a denuncia de Madonna Ciconne. Una vegada concluyitas as investigacions J.M.R., que ye seguntes a policia, gran fan de Madonna, ha estau deixau en libertat sin cargos.

A policía espanyola ha estau felicitada tanto por l’arredol de l’artista como por o bufete d’advogaus encargau d’a suya
representación legal.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.