Detenius decinueu temporers por inmigración ilegal

Antimás d'os treballadors, s'ha deteniu a dos intermediarios y a os amos d'a explotación, residents, en Pratiella d'Ebro.

Funcionarios d’a Chefatura Superior de Policía d’Aragón, que perteneixen a la Brigada Provincial ta Foranos y Mugas, han reyalizau, mientres a zaguer semana a operación policial clamada “Onion”, endrezada a lo control y detección d’a inmigración ilegal en o meyo rural, concretament, l’adedicada a la cullida d’os productos d’o campo.

Dende fa cualques semanas, os policias veniban fendo diferents chestion que podioron determinar a existencia de bells ciudadanos foranos, más que más, paquistanis, que yeran achutaus ilegalment por os propietarios d’explotacions agricolas, no tenendo permiso de residencia ni de treballo. Aprofeitando ixa situación, o chornal recibiu por o treballo yera por debaixo d’o que pertocaba si hesen estau treballando-ie en condicions legals.

Concretament, a investigación se centró en Eixeya d’os Caballers. O modus operandi pendeba en que os amos d’a explotación charraban con dos ciudadans paquistanis que feban de intermediarios entre os amos y os treballados, que yeran achutaus ta fer a cullida d’os fruitos d’o campo, en iste caso, brunos.

Coomo conseqüencia d’a operación d’a policía estioron detenius os amos d’a explotación, residents en Pratiella d’Ebro, y dos intermediarios como autors d’un delito contra o dreito d’os treballadors y por favoreixer a inmigración ilegal.

D’a mesma traza, se detenió en a explotación agricola, quan yeran fendo a suya faina, a un total de decinueu ciudadans foranos, totz ells en situación irregular. Doce de Paquistán, quatre d’a India, dos de Nepal y un de Senegal. A totz les facioron o suyo expedient ta forachitar-les.

 

Fuent: http://www.aragon2.com/n-13325-3-Detenidos_diecinueve_temporeros_inmigracion_ilegal

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.