Diego Peña presenta iste viernes en Balbastro “Cirkus Magníficus”

O monologuista aragonés Diego Peña actuará iste viernes en l'auditorio d'o Centro de Congresos de Balbastro con o suyo espectaclo "Cirkus Magníficus"

diego peñaA humor torna iste viernes a l’auditorio d’o Centro de Congresos d’a man d’un d’os millors monologuistas aragoneses, Diego Peña, qui presentará o suyo espectaclo “Cirkus Magníficus” dende as 22:30 horas.

Iste comico zaragozano leva mas de 10 anyos recorrendo os scenarios aragoneses deixando con os suyos monologos una gran sabor de boca y que ha gravau dos monologos ta Paramount Comedy.

En a edición de 2012, ya embelecó a o publico balbastrense con a suya actuación dentro d’o Ciclo de Comedia con Denominación d’Orichen, en a quala compartió scenario con Leo Harlem.

Agora presenta en o Centro de Congresos “Cirkus Magníficus”, un show d’humor teatralizau concebiu con a finalidat d’entretener y levar a l’espectador t’o machico mundo d’o circo. As entradas pueden adquirir-se anticipadament dende ahiere, y hue de 19:00 a 20:30 en a taquilla d’o Centro de Congresos. Tamién se’n venderán hora y media antes de l’actuación.

Fuent: http://www.cronicadearagon.es/wordpress/?p=41146

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.