Dimite a presidenta d’a comisión de cuentas d’o concello de Pina d’Ebro

Marisa Fanlo, vocera de CHA en o concello de Pina d’Ebro, ha presentau hue a suya dimisión como presidenta d’a Comisión de Cuentas d’o citau concello. Fanlo ha sinyalau que l’Alcaldía “ni fa, ni deixa fer” y que “no puedo seguir a o frent d’ixa comisión si no conoixco afers tant importants como que dende alcaldía s’ha encargau un informe que no s’amenistaba por 17.700 euros”. L’informe ha estau encargau por o concello ta estudear bells aspectos d’o nuevo plan cheneral d’ordenación urbana d’o lugar.

A portavoz de CHA ha recordau que fa unas semanas estió reunida mas de quatre horas con l’alcaldesa d’o municipio charrando d’o presupuesto y d’a posible reducción de determinadas partidas economicas. “Soi absolutament conscient de l’inte economico que somos vivindo y me pareixe indecent que mientres que yo prebo de convencer a qui adugan delegacions ta reducir determinadas partidas y cabidar y poder fer frent a deudas, l’alcaldesa encargue un informe que no sirve ta cosa y que va a costar a os vecins y vecinas de Pina 17.000 euros, quasi tres millons d’as antigas pesetas”.

Marisa Fanlo ha quiesto remarcar que o concello tien una deuda de 650.000 euros que arrocega dende prencipios d’o 2010, y que encara contina puyando.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.