Dimiten os fundadors de Blackberry

Deixan a dirección d'a interpresa Research in Motion (RIM) presionaus por os aicionistas y inversors.

Os dos fundadors de Research in Motion (RIM), Jim Balsillie y Mike Lazaridis, han anunciau que dican o cargo de presidents executivos d’a interpresa canadenca fabricant d’os telefonos BlackBerry,tal y como demandaban con insistencia os aicionistas y inversors dende feba meses. “En cualsiquier negocio d’exito, plega un inte en que se dentra en una nueva fase de creiximiento y ye a hora de que os fundadors pasen o testimonio a una nueva dirección”, dicen dimpués de vente anyos a la cabeza d’a companyía. Balsillie y Lazaridis bi continarán vinculaus: o primer como vicepresident d’a chunta y o segundo, como administrador.

O cambeo se produz dimpués d’a perdida de más d’o 70% d’a valor en a bolsa l’atro anyo y dimpués d’uns quantos reveses, como lo retardo d’a salida d’a BlackBerry 10, o fracaso comercial d’a loseta PlayBook y a grau avería que dixó mientras uns quantos días a las suyas terminals sin servicio de mensachería y correu electronico.

Fuent: http://www.vilaweb.cat/noticia/3974628/20120123/dimiteixen-fundadors-blackberry.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.