Dinamarca legaliza os casamientos de gais en as ilesias luteranas

Estió o primer estau d'o mundo que reconoixió as unions civils entre parellas homosexuals y lesbianas en 1989

Dinamarca fa un trango mas en a equiparación d’os dreitos d’os ciudadans. Dende maitín serán legals os casamientos de parellas d’o mesmo sexo en as ilesias luteranas. O parlamento danés aprebó a semana pasada a lei que asegura iste dreito por 85 votos favorables y 24 contrarios.

Dinamarca ya estió o primer estau d’o mundo que reconoixió as unions civils entre parellas homosexuals.

Como en Dinamarca no i hai separación entre a ilesia y o estau, o parlamento ha puesto lechislar sobre una qüestión d’alcance relichioso. Con tot y con ixo, a lei permite que os pastors d’a Ilesia Nacional Luterana se puedan negar a unir una parella d’o mesmo sexo si consideran que va contra a suya consciencia. En tal caso, o bispe habrá de designar un pastor substituto que oficie a ceremonia.

‘Ye muit important de dar a totz os miembros d’a ilesia a posibilidat de casar-se’, diz o ministro por a Igualdat y d’Afers Relichiosos, Manu Sareen.

Fuent: http://www.vilaweb.cat/noticia/4020040/20120614/dinamarca-legalitza-casaments-gais-esglesies-luteranes.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.