Discreta actuación d’os aragoneses en o Torneu estatal de Tenis de mesa

Garra d'os 19 aragoneses aconsiguió plegar en os quartos de final.

Marina Terrado (School Zaragoza), chunto a o suyo companyer benchamín Miguel Ibáñez y l'entrenador de totz dos, Ricardo Pérez.

A expedición aragonesa ha tornau con uns resultaus prou discretos d’o Torneu Estatal de tenis de mesa que s’ha disputau iste cabo de semana en Guadalachara con a participación d’os 48 millors palistas espanyols de cada categoría.

Garra d’os 19 aragoneses aconsiguió plegar en os quartos de final, por o que, de no estar que se produzcan sorpresas en a composición final d’os ranking oficials u plegue bella invitación d’a Federación Espanyola, no i habrá garra aragonés en o Top 10 Estatal.

Qui mas amán estioron de sellar o pase t’o Top 10 estioron Marina Terrado (School Zaragoza) y Eduardo Ruiz (CAI Santiago), que cayoron en uitens de final en sub-23 femenín y veterans +40, respectivament. Terrado se veyó superada por a burgalesa Nadina Riera, chugadora de Súper División, mientres que Ruiz estió amán de vencer a o catalán Joan Díaz, pero remató cedendo por un achustau 2-3.

D’atra man, Víctor Dobato (Helios) en senior y os caistas Cristina Raducán, María Gayarre, Alberto Luño y Enrique Ruiz estión apeaus en a primera ronda d’o quadro final d’as suyas respectivas categorías, mientras que Ainhoa Antúnez, Pablo Cester, Miguel Ibáñez, Sara Escota, Yara Grimal, Alejandra Gimeno, María Vallespí, Paula Duarte, Diana Arangay, Myriam Pascualena, Héctor Villarroya y Javier Mógica no podión pasar a fase de grupos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.