Discreto paper d’Aragón en a Interterritorial de tenis de mesa

Os equipes rematoron en setena y nuena posición en as dos categorías que bi partecipaban

Ripresentants d'Aragón en a Interterritorial de Tenis de Mesa

Ripresentants d'Aragón en a Interterritorial de Tenis de Mesa

A selección aragonesa de tenis de mesa ha completau una actuación pro discreta en o Torneo Interterritorial que s’ha disputau iste cabo semana en as instalacions d’o CN Helios. En calidat d’anfitrión, Aragón competiba con dos equipes: a selección A, que remató en a setena posición y o combinau B, que remató como zaguer clasificau, en o puesto nueno.

Entre os 16 chugadors que participoron ripresentando a Aragón, as mas destacadas estioron Sara Escota (CAI Santiago) y María Gayarre (Fernandino TM) que aconsiguioron a quatrena plaza en chuvenil femenín y alevín femenín respectivament. Tamién o benjamín Miguel Ibáñez (School Zaragoza) aconsiguió un buen cinqueno puesto, en un torneo con un alto livel competitivo que contó con a presencia d’os millors chugadors d’o Ranking espanyol en totas as categorías.

Por d’alto de totz briloron os andaluces, que se levoron quatro d’as ueito medallas d’oro y se proclamoron, por tanto, campeóns por seleccions. O podio lo completoron os combinaus de Madrit y a Comunidad Valenciana.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.