Diya de muerte y sangre en a capital de Yemen

Más de 100.000 presonas se manifiestan en Sana contra o gobierno de Saleh

A gran manifestación que recorreba as carreras de Sana, en Yemen, iste domingo ha rematau con 26 presonas muertas y mas de 180 ferius. As fuerzas de seguridat d’o rechimen han enrestiu contra os manifestants, fendo disparos y con tanques d’augua. En ixe primer inte han cayiu baxo os disparos 20 presonas. A resta de victimas s’ha produciu en concarar os manifestants a os policias en atros puestos d’a ciudat.

Fuents d’a oposicion aseguran que as fuerzas de seguridat no han dixau a os sanitarios pasar a travies d’o curdon que heban montau, viedando asinas a posibilidat d’ayudar a las presonas que remaniban feridas.  O president de Yemen encara ye en Arabia Saudi dimpues de quedar feriu graument en un ataque contra o suyo palacio. Encara asinas, y atamás d’a fuerte oposicion en o país, Saleh no ha renunciau a o suyo cargo de president.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.