Diya internacional por a fin d’a pobreza

Más de mil millons de personas pasan fambre

Hue, Diya Internacional por a fin d’a pobreza, cualques ONG’s han tornau a remerar os datos mundials sobre fambre y pobreza. 1400 millons de personas son pobras de tot. Ye un de cada quatre habitadors d’a planeta

En ista anyada han quiesto centrar-se en a situación en o cuerno d’Africa. Encara que ya yeran avisando d’o que podeba pasar dende fa más d’una anyada, no se consiguió evitar a fambra que, dende fa tres meses son pasando más de 13 millons de personas. Ista ye a pior sequera que ha pasau a redolada en as zaguers 60 anyadas. Antimás d’ixo, a puyada d’os pres d’a virolla, a falta de diners invertius en desembolique y a guerra en Somalia han feito mesmo más grau a situación.

As ONGs han demandau a os ciudadans que se movilicen ta conseguir midas concretas y efectivas contra a pobreza y a desigualdat. Tamién han programau actividatz ta fer visteras istas reyalidatz.

O Diya Internacional por a fin d’a pobreza se celebra dende 1993 por decisión de l’Asambleya Cheneral d’as Nacions Unidas. L’obchetivo ye que bi haiga más chent concienciada ta acotolar a pobreza y a fambre en tot lo mundo.

Ista anyada han remerau que ye alazetal que a chent con menos recursos s’embreque y tienga voz en os procesos de desembolique y que s’han de prener midas que respondan a las suyas necesidatz y demandas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.