D’o 18 a o 20 de chulio, Artieda acullirá una nueva edición d’o “Esfendemos a Tierra”

A localidat d'Artieda será scenario iste cabo de semana d'o suyo festival contra o recreiximiento de Yesa, con conciertos y atras actividatz culturals

esfendemos a tierraA nueva edición d’o Esfendemos a Tierra viene decamín. O cabo de semana d’o 18, 19 y 20 de chulio Artieda tornará a estar centro de cultura y reivindicación, d’esfensa “d’o nuestro País” como sinyalan Aturando Yesa, o Bloque Independentista de Cuchas y o Concello d’Artieda, organizadors d’o evento.

Entre istos tres días, y como totz os anyos, podremos desfrutar d’un amplo programa que incluye en o suyo cartel charradas, chentas populars, teatro, exposicions, chuegos, pasavillas… amás d’as actuacions mosicals de Batikano Rojo, Estricalla, Serruchazo, La Mala Pécora, 13Krauss, Bocs de Can Roses, a Litera Tropical, y dj’s. “Una programación mas completa que en edicions anteriors” recalcan os y as organizadoras.

Como atros anyos i hai autobuses organizaus dende Zaragoza, Uesca y Chaca. Os pres son asequibles ta quasi todas as pochas. A entrada a o concierto d’o sabado ye de 12 euros y por 35 euros amás tiens o viache en autobús y as chentas populars (5 euros cadaguna). A resta d’actividatz, incluida a zona d’acampada, son gratuitas. Ta reservar bono cal ninviar un correu electronico ta info@bloqueindependentista.org..

Estianyo, a organización ha presto tres charradas, que se realizarán dende as 11.00 horas d’o maitín d’o sabado en a plaza d’o lugar. “Sahara. Dignidat y resistencia dende os territorios ocupaus”, “L’entibo de Yesa, zaguers novedatz d’ista esferra contra a nuestra tierra” y “A luita contra o faixismo en Aragón”, son os temas proposaus ta ista edición.

O pasau anyo, cientos de personas conoixioron y compartioron de primera man os problemas ambientals de diversas comarcas aragonesas, se solidarizoron con a luita contra o recreiximiento de Yesa, y prou que, bailoron y cantoron con os conciertos y pasavillas.

Fuent: http://arainfo.org/2014/07/del-18-al-20-de-julio-artieda-acogera-una-nueva-edicion-del-esfendemos-tierra/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.