Dolores Serrat s’achunta con o Consello Superior d’as Luengas

O Consello, o diya d'a suya constitución

O Consello, o diya d'a suya constitución

A consellera de Cultura, Dolores Serrat y o director cheneral de Patrimonio, Javier Callizo, s’achuntoron o zaguer 11 de chinero con os miembros d’o Consello Superior d’as Luengas d’Aragón. A trobada, extraordinaria, se fació en Zaragoza, dimpués que o president d’o Consello hese feito un poder ta trobar-se con a consellera sin guaire exito. Encara que no han trascendiu guaires detalles d’a trobada, ye de dar que charrarían d’os plans d’o gubierno de retallar a lei de luengas, antis con antis.

Seguntes ha trascendiu, a consellera dició que en os plans d’o gubierno no ye previsto derogar a lei, sino cambear bells aspectos que a suyo chudicio son “imperativos”. Seguntes o PP o nombre d’a luenga ye un d’os problemas porque seguntes ells normalizar a luenga ye matar as modalidatz lingüisticas. Tamién podría revisar-se as rilacions d’os ciudadans con l’almenistración publica en o relativo a la luenga que se puede emplegar ta ixo.

A lei, en tot caso, encara no ye desembolicada de raso (con u sin de modificación) y no se ye aplicando de facto, asinas mesmo, tamién va rezagada a creyación d’as academias d’as dos luengas reguladas por ista lei, l’aragonés y o catalán.

Fuent: http://finestro.wordpress.com/2012/01/13/reunio-extraordinaria-del-consell-de-llengues/

Una rispuesta a Dolores Serrat s’achunta con o Consello Superior d’as Luengas

  1. Sarsamarcuello

    ¿O nombre d’a luenga ye un proeblema? ¿De cuala luenga? ¿De l’aragonés? ¿D’o Catalán? ¿D’as dos?

    A preocupación d’o actual guvierno no ye atra que dixar sin efectos a lai sin bosar o pre politico d’a suya derogación…

    Istos guviernos de retallos paran tanta cuenta en beneficiar a las élites socials como en no fizoniar de baldes a os suyos opositors. Ya tienen praus de problemas como ta escar-se de nuevos…

    Por sixo l’actitud devant de lais como a de luengas u mesmo matrimonio gay estará marcada por un achustau calculo politico.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.