Dos equipos zaragozanos en o campionato europeu de Bike Polo

Defensores y Gipsy Kings luitaran por o titol de campións d'Europa iste cabo de semana en París.

Iste cabo de semana se disputará en París o campionato europeu de Bike Polo, en o qual bi habrá dos equipos zaragozanos luitando por o títol de campións d’Europa: Defensores y Gipsy Kings.

Dimpués de disputar o Campionato Iberico de Bike Polo en Olot, Defensores consiguión clasificar-se ta disputar dreitament l’Europeu en París, mientras que os Gipsy Kings habrán de superar a Wildcard ta poder disfrutar de l’Europeu.

O bicipolo, u bike polo, ye una versión urbana y ciclista d’o Polo, con a sola diferencia de que en cuentas de a caballo, os chugadors van en bici.

L’orichen d’iste chuego no ye guaire platero. Se charra de que ya se practicaba en os anyos 20 y 30 d’o sieglo pasau en Irlanda ta dimpués cayer practicament en o xubliu. A suya explosión definitiva se produció en Seattle, en os primers compases d’o nuevo milenio y a diya de hue se chuga en ciudatz de tot lo mundo, siendo especialment popular en EEUU y Europa.

En Zaragoza fa poco más d’un anyo que se chuntón una colla d’apasionaus por as dos ruedas a practicar “in situ” iste deporte que solo heban visto a traviés d’internet pero que les heba trucau prou o ficacio. En muit poco tiempo istos mesaches y mesachas prencipión a competir con chent de diferents ciudatz europeas y mesmo han organizau un torneu en Zaragoza, Bike polo a degüello, a o que acudión as millors escuadras d’a peninsula. Iste cabo de semana se chugan o titol de campións d’Europa.

Defensores chugarán dreitament en o campionato dimpués d’haber-se clasificau en Olot. (Foto: La Ciudad de las Bicis)

Gipsy Kings habrán de superar a Wildcard ta poder disputar o campionato. (Foto: La Ciudad de las Bicis)

Fuent: http://laciudaddelasbicis.wordpress.com/2012/07/19/campeonato-europeo-de-bike-polo/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.