Dos imputaus más dimpués d’a carga d’a Guardia Civil en Artieda

Ya son cinco as presonas imputadas por os feitos d'o 10 d'octubre dimpués d'a enrestida d'a Guardia Civil en Artieda

Manifestants y Guardia Civil dimpués d'a enrestida

Manifestants y Guardia Civil dimpués d’a enrestida

Atras dos presonas han estau gritadas a declarar debant d’a Guardia Civil dimpués d’a enrestida d’a Guardia Civil o pasau 10 d’octubre en a dentrada d’Artieda. Con istos dos nuevos imputaus ya en son 5. Os dos nuevos imputaus han de declarar en a Guardia Civil de Chaca, mientres que os atros tres ya lo facioron fa una semana en o cuartelillo de Sos.

Pareixe, amás, que istos cinco imputaus no estarán os unicos, y que as fuerzas de seguridat espanyolas tienen intinción de gritar a declarar a más chent y imputar-lis más delitos. En a concentración d’o pasau diya 10 d’octubre, s’arrocloron más de 200 presonas que viedoron o paso a os tecnicos d’a CHE que quereban devantar actas d’expropiación en o lugar. A Guardia Civil espanyola prebó de fer marchar a la chent que ocupaba la carretera de dentrada en Artieda con una enrestida policial que ha recibiu muitismas criticas por o desproporcionau d’a mesma contra chent que se i manifestaba de traza pacifica.

Una vegada que rematen istas actuacions policials o caso pasará a los chuzgaus. Debant d’istas actuacions policials y chudicials dende Coagret, l’asociación que luita contra os macroprochectos hidraulicos en Aragón s’ha convocau una trobada iste chueves de todas as asociacions y entidatz implicadas en a esfensa d’o territorio ta prebar de concarar a enrestida chudicial.

Una rispuesta a Dos imputaus más dimpués d’a carga d’a Guardia Civil en Artieda

  1. Jolio, si ya han cridau a cinco y encara han e cridar a más…valiente auto de fe son parando ista chentota da CHE!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.