Dos menors d’edat detenius por cremar un contenedor

Os feitos s'han desenvolicau hue en a zaragozana carrera d'Albero Burillo.

A carrera Albero Burillo, an que s'han trobau os contenedors cremaus. (Foto: Google Street View)

En a maitinada d’o día de hue, sabado 21 de chinero, funcionarios d’o Cuerpo Nacional de Policía, pertenecients a la Brigada Provincial de Seguridat Ciudadana, d’a Chefatura Superior de Policía d’Aragón, han deteniu en Zaragoza a dos varóns menors d’edat, como presuposaus autors d’a crema d’un contenedor de basuera.

Sobre as 04.30 horas una dotación de Policía ye comisionada por a Sala d’o 091, que los coordina ta que s’endrecen t’a carrera Pascual Albero Burillo, an que bi ha un contenedor cremando-se.

Una vez en o puesto, o fuego d’o mentau contenedor ha estau sofocau por un Vichilant de Seguridat, que fa o suyo treballo en uns estudietz a o canto d’o puesto d’os feitos.

Os achents se meten de camín a reyalizar una batida, con a fin de poder trobar a os posibles autors d’istos feitos. Os policías localizan en os arredols, concretament en o Parque Bruil a dos chóvens, os quals en vier a presencia policial marchan d’o puesto a escape, se les procede a dar l'”Alto, Policía” uellando que chunto a ells bi ha una papelera d’a qual saliba a-saber-lo fumo. Se procede a la identificación d’os mesmos, y se les fa un cacheo superficial, trobando-les un total de 3 chisquers. Totz dos yeran menors d’edat y desprendeban una fuerte ulor a fumo y as suyas mans yeran foscas plegando a negras, seguntes ha informau o Cuerpo Nacional de Policía de Zaragoza.

Dimpués d’istos feitos, se procede a la detención de totz dos menors, estando tresladaus dica dependencias policials ta la reyalización d’o correspondient atestau policial, feito que se fa una vez que os pais d’os menors son avisaus d’os motivos d’a suya detención y se les solicita que se personen en as instalacións policials ta fer a correspondient exploración, de contino, os chóvens son mesos en libertat y son entregaus a os suyos tutors correspondients, que se’n fan cargo.

Funcionarios d’a colla de Policía Chudicial continan as investigacións tendents ta esclarir a posible participación d’istos menors d’edat en feitos parellanos ocurrius mientras istos zaguers días. A más de continar con o dispositivo de prevención desenvolicau en estreita coordinación entre o Cuerpo Nacional de Policía y a Policía Local de Zaragoza.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.