Dos muertos y un ciento de ferius a causa de dos esclatadas en a maratón de Boston

S'han produciu aman d'a linia de plegada d'a corrida, plena de corredors y espectadors

Imachen d'a esclatada (Foto: Cubadebate.cu)

Imachen d’a esclatada (Foto: Cubadebate.cu)

Como minimo dos personas muertas y un ciento de feridas ye o resultau de dos esclatadas seguidas que bi ha habiu amán d’a linia d’arribada d’a multitudinaria maratón de Boston. As esclatadas han pasau en a Plaza Copley d’a ciudat quatre horas dimpués de prencipiar a corrida, quan encara i plegaban muitos corredors y a zona yera plena d’asistents.

As esclatadas, que coinciden con o Diya d’os Patriotas, son estadas casuadas por bombas, tal como s’afirmaba en un primer inte en a cuenta oficial d’a maratón en Facebook. De feito, la policía ha detectau un artefacto más en a zona, que no ha esclatau. Dimpués s’ha sabiu que bi ha habiu un atro incident en a Biblioteca JFK d’a mesma ciudat, pero no se sabe si bi ha garra vinculación entre os dos feitos.

As autoridatz han trancau por seguridat l’aeropuerto de Boston y bellas linias d’o metro.

Trampo adedicau a las victimas de Newton.

A zaguer milla d’o recorriu d’a maratón de Boston s’heba adedicau estianyo a la memoria d’as victimas d’a matanza d’a escuela de primaria Sandy Hook de Newton y bels familiars d’as victimas yeran en una tribuna VIP amán d’a linia de plegada.

A presidenta de l’Asociación d’Atletismo de Boston, Joanne Flaminio, heba dito antis d’a corrida que a preba teneba un significau especial porque cadaguna d’as 26 millas se dedicaba  a una d’as 26 victimas d’aquella matanza. L’homenache incluyiba la participación d’una colla de familiars, l’equipo Newton Strong, ta replegar fundos ta entidatz beneficas. A la fin d’a milla 26 bi heba una pancarta en memoria d’a victimas d’o tiroteyo de Newton.

A maratón de Boston ye a más veterana d’as que se corren en o mundo (dende 1897) y cada anyada atraye a millars de corredors. Estianyo bi’n heba 27.000 inscritos. Antimás d’os participants, se calcula que meyo millón de personas se meten a lo largo d’o recorriu t’animar.

Fuent: http://www.vilaweb.cat/noticia/4105512/20130415/dos-morts-centenar-ferits-causa-dues-explosions-marato-boston.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.