Dos mullers asesinadas por as suyas parellas u ex-parellas iste cabo semana

En 2011 ya son 43 as mullers muertas iste anyo a mans d'as suyas parellas u ex-parellas

Un hombre de meyana edat remane engarcholau en as dependencias d’a Guardia Civil en a localidat sevillana de Lora del Río dimpués de que reconoxese haber apunyalau a la suya ex-parella, seguntes han informau fuents de l’instituto armau.

O deteniu, F.J.C.C., mató a la suya ex-parella arredol d’as 23.00 horas d’o sabado en a gara de tren de Lora del Río.

Testigos de l’agresión avisón a la Guardia Civil y a os servicios d’emerchencia, que mica podión fer por salvar a vida d’a muller, que falleció a causa de bellas feridas por arma blanca y padixer una grand perdida de sangre.

Poco dimpués de l’agresión, o presunto homicida se personó en o cuartel d’a Guardia Civil d’a localidat, an que reconoixió estar l’autor d’iste crimen.

Unatra victima en Tenerife

Una muller de 38 anyos ha estau asesinada, o mas probable por o suyo mariu, en o lugar d’Arona, en o sur d’a isla de Tenerife. A muller estio apunyalada y o suyo mariu s’ha autoferiu dimpues, antis d’entregar-se en a Guardia Civil. Con istos dos asesinatos ya son 43 as mullers asesinadas en casos de violencia masclista en iste 2011.

Telefono contra o maltrato: 016

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.