Dos obchectos trobaus en o mar por Australia, a prencipal pista sobre l’avión desapareixiu

As autoridatz de Malasia troban creyible que puedan perteneixer a l'avión desapareixiu

avion malasiaAs autoridatz australianas investigan si os dos obchectos detectaus en imachens de satelite podrían estar de l’avión de Malaysia Airlines desapareixiu con 239 pasachers y tripulants a bordo. Avions y barcos d’Australia, Nueva Zelanda y os Estaus Unius rastrian a zona, t’o sud de l’ociano Indico, an que s’han visto istos obchectos, o mas gran d’os quals tien una longaria de vintiquatro metros. O gubierno de Malasia troba creyible a posibilidat que istos obchectos sían d’o Boeing 777 d’o vuelo 370 que fa quasi dos semanas que desapareixió, pero diz que cal corroborar-lo. As imachens estioron captadas o 16 de marzo pasau.

O primer ministro australiano ha remarcau que será extremadament dificil de trobar istos obchectos y que ‘podría estar que se descubrise que no tienen relación con a investigación’ d’o vuelo.

Os obchectos, seguntes as autoridatz australianas, s’han localizau t’o sudueste d’a ciudat de Perth y encara que as imachens son ‘relativament borrosas’ l’Autoridat Australiana de Seguranza Maritima las troba tamién ‘creyibles’.

Fuent: http://www.vilaweb.cat/noticia/4180300/20140320/dos-objectes-trobats-mar-australia-principal-pista-lavio-desaparegut.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.