Dos planetas podrían tener vida, seguntes un estudio

Os autors han analizau as más de 700 exoplanetas conoixidas

Imachen d'o telescopio d'Arecibo (Foto: Trevor Huxham)

Imachen d'o telescopio d'Arecibo (Foto: Trevor Huxham)

Un nuevo estudio sobre as 702 exoplanetas localizadas dica agora diz que dos d’ellas, Glieses 581d y HD 85512b, podrían tener as condicions adequadas ta que bi hese vida. A primer ye en a constaleación de Libra a bellas 20 anyadas luz. HD 85512b en a de Vela a 36 anyadas luz.

O estudio ha prebau de fuyir d’o Tierracentrismo, en parolas d’os investigadors. Ye de dar que en planetas con condicions parellanas a las d’a Tierra podría existir vida porque se sabe empiricament como preba a nuestra existencia. A investigación ha iu dillá y he mirau de trobar planetas con atros parametros que podrían orichinar vida d’atras trazas esconoixidas. os investigadors han creyau dos indices. O primer mide si una planeta ye parellana u no pas a la Tierra cuanto a la densidat, quimica u temperatura en superficie. L’atro indice ye o de Habitabilidat planetaria, alazetau en a presencia d’un sustrato estable, o potencial t’acubillar liquidos y a disponibilidat de enerchía u elementos quimicos apropiaus.

Ista fuyida d’o Tierracentrismo estableix como condición alazetal t’a existencia de vida que bi haiga un meyo liquido, pues ye menister ta transportar os elementos d’a traza más eficient. En a Tierra ye l’augua, pero en atras planetas podría estar-ne atra. Ye o caso de Titán, satelite de Saturno, con lagos de hidrocarburos liquidos que podrían acubillar-ie vida.

Os scientificos creyen que en as atras 700 planetas descubiertas dica agora no ye posible a vida. Manimensos, o telescopio espacial Kepler, que funciona dende 2009, ha trobau más de 1200 posibles exoplanetas que, en caso de confirmar-se a suya existencia, tamién sería investigada a posibilidat de que bi hese vida.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.