Draghi aparca dica chunio qualsiquier novedat sobre as subhastas d’o BCE

O President d'o Banco Central Europeu (BCE) avala as reformas de Rajoy

O president d’o Banco Central Europeu (BCE), Mario Draghi, negó ahiere, en pleno consello de gubierno d’iste organismo en Barcelona, que podese adoptar a curto plazo midas adicionals d’estimulo. En cambeo, bendició os tipos d’intrés actuals y dició que dica a reunión d’o mes de chunio no se sabría si a entidat continaría suministrando liquidez indefinida a os bancos d’a eurozona.

Antes d’a crisi o BCE suministraba liquidez a las entidatz d’o eurosistema a base de subhastas competitivas, pero, a mida que han iu aumentando as dificultatz financieras, ha prescindiu d’a necesidat de licitar por os recursos y ha feito mas seguidas as suyas incheccions.

Sobre as subhastas de liquidez a tres anyos (LTRO), manifestó que s’amenisteba un cierto tiempo ta poder ponderar os efectos, pero que, en tot caso, heban privau ‘una important restricción d’o credito’.

Respective a la inflación d’a zona euro, reconoixió que sobrepasaría l’obchectivo d’o 2% entre tot iste anyo y que no baixaría dica o 2013. Ta ell, ista inflación ye debida a l’impacto d’os pres d’a enerchía y a l’aumento d’os impuestos indirectos.

En fin, auguró una recuperación economica gradual d’a zona euro, si bien as previsions de millora podeban no cumplir-se de tot por a posibilidat de que as tensions d’os mercaus de deuda se tresladasen a la economía real, por dificultatz d’achustamiento d’os balances d’o sector financiero y por a gran desocupación actual.

Aplaude as reformas d’o gubierno espanyol

Draghi aplaudió, finalment, as reformas economicas d’o gubierno espanyol, encara que habrían d’estar mas ambiciosas, y que s’habrían de resolver os mals financiers con rapidez: ‘S’ha de reconoixer o esfuerzo feito muit rapidament. Ye important, con tot y con ixo, perseverar en as reformas estructurals.’

Fuent: http://www.vilaweb.cat/noticia/4008281/20120504/draghi-aparca-juny-qualsevol-novetat-subhastes-bce.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.