Ebronautas y o Concello de Zaragoza ferán actividatz ta concienciar y escoscar l’Ebro

As actividatz preban de fer viyer a importancia de mantener o río en un buen estau

Chent en barcas por l'Ebro (Foto: Zaragoza Turismo)

Chent en barcas por l’Ebro (Foto: Zaragoza Turismo)

O Concello de Zaragoza y Ebronautas van a fer en iste verano una serie d’actividatz endrezadas t’a educación ambiental y ta l’escosque d’o río Ebro y o suyo entorno arredol de Zaragoza. Dende iste viernes 19, prencipiarán as actividatz d’o programa “Ebro Limpio” y  as tardis d’os domingos se ferán baixadas por o trampo urbano d’o río. L’obchectivo ye “concienciar sobre a importancia de cudiar os recursos naturals d’o casco urbano”.

As actividatz de “Ebro Limpio” se ferán totz os viernes d’o verano dende o 19 de chulio y dica las fiestas d’o Pilar. L’actividat prencipia con una charradeta de bell 20 minutos chunto a la puerta d’o Centro de Natación Helios  a on que s’explicarán os efectos t’a flora y fauna d’o río d’a vasuera que bi ha. Dimpués, en collas de 4 u 5 personas se baixa en barca dica l’embarcadero d’o Nautico con bolsas de vasuera ta sacar totz os obchectos que i troben por o camin.

Os domingos se ferán as baixadas por o río, salindo dende o Parque de l’Augua y plegando en l’embarcadero de Vadorrey dimpués d’un trachecto de bellas dos horas. Ta participar-ie cal reservar plaza en a web d’Ebronautas.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.