Echipto: a Chirmandat Musulmana clama a la revuelta

Se tensan os acontecimientos en Echipto dimpués de que l'exercito d'iste país sacase d'o poder a o president Mursi

EgiptoA Chirmandat Musulmana ha clamau iste lunes a “o levantamiento” dimpués que decenas de simpatizants d’o depuesto president Mohammad Mursi morisen a tiros en O Caire, capital echipcia, y han pediu a intervención internacional pa privar una “nueva Siria”, seguntes ha informau hue l’achencia francesa AFP.

O Partiu Al-Nur d’Echipto ha informau iste lunes d’a crebadura d’as suyas relacions con o president interino d’o país arabe, Adli Mansur, en sinyal de protesta por a matanza de manifestants.

37 muertos entre as filas islamistas

A lo menos 37 simpatizants d’o depuesto president d’Echipto, Mohammad Mursi, habrían perdiu a vida entre os enfrontinamientos con as fuerzas de seguridat en a capital echipcia ista pasada nueit, O Caire. S’ha dau treslau d’a noticia iste lunes por fuents sanitarias y ha estau confirmada por a Chirmandat Musulmana.

A mayoría de personas han resultau muertas u nafradas por disparos de bala, en un ataque a o canto d’o quartel cheneral d’a Guardia Republicana, an que protestan dende fa diyas islamistas en defensa d’o depuesto president Mohammad Mursi. Os trachicos acontecimientos empecipioron en o momento d’o rezo.

Un portavoz d’os Chirmans Musulmans, Gihad el Hadad, informó que o numero de muertos ya puya a 37, y que entre ells podría haber-ie a lo menos cinco menors, mientres que l’Exercito ha informau d’a muerte d’un soldau y atros 40 han resultau ferius mientres l’ataque. Asinas mesmo, ha cifrau en 200 o numero d’arrestaus mientres a operación desplegada en respuesta a o supuesto ataque.

A pachina web d’a cofradía islamica eleva o numero de muertos dica 53, y a mas d’1.000 o de ferius. Por agora, fuents medicas han cifrau en 15 o numero de muertos, si bien no i hai un balance oficial de victimas sobre os incidents. Igualment, se desconoixe o motivo que ha provocau o suceso.

O portavoz d’a formación Gehad el Haddad ha denunciau a traviés d’o suyo perfil en Twitter que i hai “centenars de ferius”, de vez que ha feito responsable a l’Exercito d’isto que ha pasau. Acusó a miembros de l’Exercito y a Policía de perpetrar una “masacre”, y ha asegurau que tienen a la suya disposición balas disparadas por os militars. “L’Exercito y a Policía disparan con fuego real. A suya set de sangre no s’ha visto satisfeita dimpués d’asasinar ‘a sangre fría’ a os suyos compatriotas”, ha indicau o portavoz d’os Chirmans Musulmans. “Ye franca a nuestra sangre pa lo nuestro Exercito? D’isto en sotz argüellosos? Que se mate a manifestants pacificos mientres una posada?”. “A sangre d’istes martirs y de qui cayoron antes que ells será una maldición eterna pa lo Consello Supremo d’as Fuerzas Armadas, l’Exercito y a traidora policía”, ha remachau el Haddad.

Asinas mesmo, l’Exercito ha aumentau a suya presencia en l’arredol d’a plaza Tahrir, an que se concentran millars de detractors de l’expresident.

O partiu salafista echipcio Al Nur ha anunciau hue a crebadura d’as suyas relacions con o president interino, Adli Mansur

A Chirmandat ha lanzau un clamamiento pa que o mayor numero de medicos disponible s’amane t’o vico de Ciudat Nasser, a on han instalau un hespital de campanya pa tractar a os nafraus. Un imán citau por a web d’os Chirmans ha asegurau que os disparos empecipioron en o momento d’a oración de l’amaneixer, quan os seguidors de Mursi estioron obchecto de disparos, mientres que a policía lanzaba gas lacrimocheno. Os ferius leves han estau atendius en o hespital de campanya, mientres que os mas graus han estau derivaus en l’amanau hespital Demerdash y atros hespitals d’a rechión.

L’Exercito ha tallau qualques puents d’a capital y os accesos a l’este d’O Caire, a on ocurrió a trachedia. L’excandidato presidencial y islamista moderau Abdul-Moneim Abul Futuh, que reconoixeba a o nuevo president interino d’o país dimpués d’o golpe d’estau, Adli Mansur, le ha reclamau hue a suya dimisión, ya que “ha fallau en a suya misión, que ye protecher a os civils”, en declaracions a la canal de televisión “Al-Jazira”.

Dimpués de l’ataque de l’Exercito, o partiu salafista echipcio Al Nur ha anunciau hue a crebadura d’as suyas relacions con o president interino, Adli Mansur. Horas antes, a formación heba anunciau a suya oposición a o posible nombramiento d’o socialdemocrata Ziad Baaha el Din como primer ministro interino d’o país y advogó por o nombramiento d’un politico neutral pa lo cargo. Tamién refusó a elección de l’opositor neoliberal y premio Nobel d’a Paz Mohamed el-Baradei como viceprimer ministro, por estar “un titere” d’EE.UU. y a OTAN”.

EE.UU. intervinió en o golpe contra Mursi

Pese a insistencia de Washington en no tener un papel en os acontecimientos d’Echipto, una fuent d’a Chirmandat Musulmana reveló o domingo o contrario.

O diario norteamericano de ‘The New York Times’ publica que un d’os representants d’a Chirmandat Musulmana, que pidió remanir en l’anonimato, informó que a Casa Blanca s’heba meso en contacto con ells pa que acceptasen o espalde d’o depuesto president d’Echipto, Mohammad Mursi.

“Ells (Estaus Unius) nos clamoron a lechitimar o golpe d’estau“, ha asegurau a fuent, amás de considerar l’acceptación d’o espalde de Mursi como a fin d’a democracia en Echipto. Manimenos, por agora, l’embaixada d’o país norteamericano en a capital echipcia, O Caire, no ha comentau brenca a o respective.

L’Exercito quiere engarcholar a os miembros d’a Chirmandat Musulmana. Putin: “Echipto s’amana a una guerra civil”

Os desacuerdos ‘in crescendo’ entre os partius politicos han ocasionau l’atraso d’a nominación d’o primer ministro interino d’Echipto, han sinyalau iste domingo as altas autoridatz d’o país norteafricano. L’Exercito quiere engarcholar a os miembros d’a Chirmandat Musulmana. Irán insta a respectar o proceso democratico. Putin: “Echipto s’amana a una guerra civil”.

Fuent: http://noticies.sirius.cat/2013/07/egipte-la-germandat-musulmana-crida-la.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.