Ecologistas en Acción denuncia un deposito de carnuz en Osso de Cinca

Tamién ha demandau que s'ubra una investigacon sobre a situgación legal d'o almacén de abonos animals presents en o casco urbano d'a localidat.

Ecologistas en Acción ha meso en conoixencia d’o Gubierno d’Aragón a presencia d’un deposito a l’aire libre de abonos, elaborau con carnuz, en Osso de Cinca. O puesto exacto y as fotos se pueden veyer en Panoramio. A manca de protección d’o depósito frent a las inclemencias de l’orache, que pueden aventar os abonos, suposa un risgo sanitario y ambiental t’a zona. Asinas mesmo Ecologistas en Acción ha demandau que s’ubra una investigacion sobre a situgación legal d’o almacén de abonos animals presents en o casco urbano d’a localidat.

O deposito d'Osso de Cina (Foto: Saturnino Barbé)

O deposito d'Osso de Cina (Foto: Saturnino Barbé)

O depósito, situau aproximadament a uns 5 km a o nordeste d’o casco urbano d’Osso de Cinca y a uns 100 metros d’a estanca d’augua de la ciudat, contiene grans cantidatz d’abonos animals, que fan pudor y son plenos de moscas. L’orichen animal d’os abonos queda esclatero por a presencia en os mesmos de chicotz huesos y de a-saber-las marcas de sinyal y etiquetas plasticas que sirven ta identificar a os animals d’o bestiar.

Istes abonos se troban dreitament sobre o sulero natural y sin garra tipo d’obra, tellau u cleta que los protecha d’o sol, a plevia u l’airera. Ista falta de protección fa que a gran cantidat de materia organica present en a zona, que puede amás dentrar en putrefacción por a humidat ambiental, se disperse por l’augua de plevia, a traviés de torrenteras u bien se mezcle con o sulero, favoreixendo a contaminación de l’augua subterrania por nitratos y fosfatos.

Por tot ixo, por as afeccions meyoambientals y sanitarias que isto suposa, Ecologistas en Acción ha demandau a o Departamento d’Agricultura, Ganadería y Meyo Ambient que investigue os feitos, repare ambientalment a zona y depure as posibles responsabilidatz sobre iste afer.

Finalment, y tamién relacionau con abonos animals, Ecologistas en Acción ha solicitau a o Departamento d’Agricultura, Ganadería y Meyo Ambient que investigue a situación legal de l’almacén d’abonos situau en o mesmo casco urbano d’Osso de Cinca, chunto a la escuela d’o lugar. L’almacenamient d’abonos animals en ista instalación suposa una actividat clarament molesta y potencialment nociva t’a población, estando, amás, un claro eixemplo d’o que nunca habió de premitir en l’interior d’un nuclio urbano. As malas olors que afectan a toda una población y a posibilidat de infeccions d’orichen bacteriano por culpa d’ista actividat suposan una situación inadmisible que atenta contra a seguranza y calidat de vida d’as presonas.

Una rispuesta a Ecologistas en Acción denuncia un deposito de carnuz en Osso de Cinca

  1. Como la quema de residuos en la planta de cementos de Cemex en Morata de Jalon, que queman de todo, con el placet del PARtido y del PSOE-Piovra, y sus clientelas comarcales y locales. Quid custodiat, custodios.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.