Ecuador demanda 290 millons de dolars ta salvar a selva de Yasuní

Baixo a selva bi ha una reserva de petrolio. Ecuador demanda ixa cantidat ta no explotar-la.

 

Atticora fasciata, un au de Yasuní (Foto: Geoff Galice)

Atticora fasciata, un au de Yasuní (Foto: Geoff Galice)

A cantidat total que demanda ye de 3600 millons antis de 2024. Cada anyada tendrá un obchetivo economico. A de 2011, teneba un obchetivo de 100 millons que se superó por poquet: 116 millons. Asinas, t’as dos anyadas venients se fixa una cantidat de 290 millons cada anyada. As cantidatz son venidas de diferents fuents. Quaranta millons los metió o president d’Ecuador, en ganar-los en un chuicio contra una depeixa d’o país. Trenta y cinco millons más vinioron d’o gubierno italiano de Berlusconi en un cambeo de deudas. A resta de l’Estau espanyol, Valonia, una constructora brasilenya, y os estaus de Chile, Colombia y Turquía, en orden de cantidat alportada.

O Parque nacional de Yusaní ye toda una alfaya t’a biodiversidat. Se sabe que bi ha, a lo menos, dos collas de humans no contactadas. Cuanto a la fauna se crei que bi existen 150 especies d’anfibios, 598 d’aus, más de 200 de mamifers y 121 de reptils. De flora, en podrían vivir-ie más de 3000 especies diferents.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.