Educación premia a tres escuelas infantils por as suyas buenas practicas y innovación

O gubierno ha premiau o desembolique de nueva metodolochías en l'amostranza ta ninos de 0 a 3 anyadas

A consellera con los premiaus (Foto: D.Ch.A.)

A consellera con los premiaus (Foto: D.Ch.A.)

As escuelas infantils El Bosque, La Paz y Santa María del Pilar de Zaragoza son estadas premiadas por o departamento d’Educación por as “buenas practicas innovaderas que desembolican en os centros suyos con ninos de 0 a 3 anyadas.

Seguntes explicó a consellera Dolores Serrat, istos premios son “un reconoiximiento t’os equipos directivos y o profesorau d’istos centros por a suyas faina y una traza de incentivar a todas las escuelas infantils ta que continen innovando y amillorando as metodolochías t’aprender”

Ta dar istos premios se ha valurau que os prochectos d’os centros favoreixesen o desembolique fisico, afectivo, social y intelectual d’a catrinalla, que desemboliquen un modelo de inclusión educativa y que arroclen a diferents achents d’a comunidat educativa, con un papel activo d’as familias.

Antimás d’os tres prochectos ganadors, o departamento d’Educación incluyirá en a replega de buenas practicas innovaderas d’o primer ciclo d’amostranza infantil as iniciativas desembolicadas por a E.I.I. Alcampell y o C.P.E.E. Atades-San Martín de Porres.

Os prochectos ganadors son estaus “Explorando en a Selva” d’a Escuela Infantil El Bosque, “MimArte” d’a Escuela Infantil La Paz, y “Descubrindo a biodiversidat” d’a Guardería Infantil de Santa María d’o Pilar.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.