Educación retalla as horas d’os mayestros d’aragonés

Educación ha ufierto 4 plazas vuedas de mayestro en L'Aínsa, Chaca, Biescas y Plan

Clase d'aragonés en o CRA Cinca-Cinqueta

Clase d’aragonés en o CRA Cinca-Cinqueta

A Consellería d’Educación ha feito publicas as horas d’aragonés d’os mayestros d’os poquetz colechios publicos an que s’imparte ista luenga y que encara tienen plazas vuedas de mayestro. En a convocatoria d’iste curso a consellería ha aproveitau ta retallar as horas d’os mayestros, encara que seguntes o departamento, no se retallan de horario lectivo sino de refuerzo. En Chaca, por eixemplo, o retalle ye pasar de 2/3 de chornada ta 1/3 de chornada, mientres que en l’Alto Galligo, a plaza a chornal completo que i heba ha quedau en meya chornada.

O retalle d’horas tamién suposa fer más chicot o chornal d’os mayestros d’istas plazas, y viedar de fer actividatz de refirme, como las que planteya o programa Lucía Dueso que encara contina, encara que se sienten bellas rumors que podria disparixer, como ya fació o suyo prochecto chirmán d’o catalán Jesús Moncada.

Son 4 as plazas que s’ufiertan iste anyo ta mayestros d’Aragonés, una a chornal completo en o Cinca-Cinqueta, en Plan, dos a meya chornada en Alto Galligo en Biescas, y en o Sobrarbe, en o colechio publico Asunción Pañart, en L’Aínsa, y una de una tercera parti de chornada en o C.P. Monte Oroel en Chaca.

5 Rispuestas a Educación retalla as horas d’os mayestros d’aragonés

  1. Pingback: Educación retalla as horas d’os mayestros d’aragonés | AraInfo | Achencia de Noticias d´Aragón

  2. Aspero que Castán no se cargue o Nieus Lucía Dueso con o buen treballo que ha feito a doctora María Pilar Benítez

  3. Pingback: Educación retalla as horas d’os mayestros d’aragonés | Arredol - La Franja

  4. Hahahaha! Qué sornizo iste Franchet! Quanta somardería!

  5. Pingback: Cuatro años nefastos para la enseñanza del aragonés | mayestros d'aragones

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.