EE.UU. y Canada se niegan a condenar en a ONU a exaltación d’o nazismo

A resolución se vota cada dos anyadas en la ONU. EE.UU. nunca no ha votau a favor.

Asambleya Cheneral d'a ONU, en Nueva York (Foto: Luke Redmond)

Asambleya Cheneral d’a ONU, en Nueva York (Foto: Luke Redmond)

A votación en a ONU ta declarar inadmisible a exaltación d’o nazismo ha contau con 120 votos a favor. Nomás os Estaus Unius d’America, Canada y as Islas Marshall s’han expresau en contra d’a resolución, empentada por Rusia. A iniciativa se vota en l’Asambleya Cheneral anyalment dende 2005, ya que cada anyada se rechistran en Europa nuevos eixemplos de propaganda racista, de reunions y de marchas en memoria d’os “heroes” d’una u atra división d’as SS y de profanación d’os monumentos feitos en homenache a qui luitoron contra o nazismo mientres a II Guerra Mundial. Ista anyada l’autoría d’o documento ye estada compartida por 42 paises.

A resolución, adoptada por a más gran parti d’os estaus miembros, condena en especial os actos en honor d’os nazis en Estonia y Letonia. As accions d’ista mena, se diz en o texto, “profanan a memoria d’as innumerables victimas d’o faixismo”, impactan negativament en a cheneración choven y no son compatibles con as obligacions d’os estaus miembros d’a ONU.

Dende o prencipio d’o treballo sobre o prochecto, os suyos autors prebaban de fer o texto lo más equilibrau posible, afirmó lo representant de Rusia en l’Asambleya. Con tot y con ixo, l’actitut d’os EE.UU. no ha cambiau respecto a las primers votacions, feitas baixo a presidencia de George W. Bush.

Fuent: http://noticies.sirius.cat/2012/11/eua-i-canada-es-neguen-condemnar-lonu.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.