Eguiguren proposa una constitución basca propia

O president d'o PSE piensa en un País Basco con entidat politica, sin estar independiente de Francia ni d'Espanya.

Jesús Eguiguren, president d'o PSE. (Foto: socialistasvascos.com)

Seguntes publica o diario catalán Vilaweb, o president d’o PSE, Jesús Eguiguren, ha apostau hué por aconseguir un “amplo consenso” entre a ciudadanía t’acordar una nueva constitución basca, que no dentrase en contradicción con a espanyola. En una intervención en o Forum Europa-Tribuna Euskadi, ha dito que una constitución basca fería posible a creyación d’una “unidat politica, Euskal Herria, que no estase independiente ni de Francia ni d’Espanya” y que tenese organos comúns con Navarra.

Eguiguren apuesta por un nuevo pacto, un nuevo consenso, “una nueva constitución propia”, que no suposase a independencia d’Espanya. “Una constitución como a d’os estaus americáns”, ha dito, en referencia a las constitucións de cadagún d’os estaus que, allora, son sozmesos a una constitución federal.

Fuent: http://www.vilaweb.cat/noticia/3978319/20120131/eguiguren-proposa-constitucio-basca-propia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.