Eixeya d’os Caballers quiere fomentar a “ejeanidad” dende “a espanyolidat”

Seguntes o concello, ser d'Eixeya ye ser espanyols y europeus, y o patriotismo o cenyo d'identidat

Lambán en un acto a favor de Yesa y Biscarrués

Lambán en un acto a favor de Yesa y Biscarrués

O Concello de Eixea  d’os Caballers quiere fomentar a “ejeanidad” a traviés d’os suyos convecins residents difuera d’a localidat, porque seguntes o Concello, “ells son os millors achents publicitarios ta una localidat”. Dende o concello han quiesto resaltar que ista propuesta “ye un gran prochecto común que solament tendrá exito a largo plazo si lo sienten como suyo o Concello y os vecins y si totz triballamos á ixena ta empentar-lo”.

L’obchectivo, seguntes l’equipe de gubierno, “ye asentar y fomentar a “ejeanidad” como una traza d’estar; un esmo feito de respecto a la historia, a o patrimonio cultural y artistico y a las tradicions locals y d’aimor a las mesmas”. Curiosament, y saltando-se l’aragonesidat, ista “ejeanidad” o concello la fa surtir “d’a esfensa d’as valors d’a nuestra Constitución y d’o patriotismo que surte d’a mesma y d’a consciencia que ser eixeyans ye ser espanyols y europeus con todas as conseqüencias”.

Siempre seguntes o concello d’Eixea, gubernau por Javier Lambán, d’o PSOE, “l’autoestima colectiva y o compromiso leyal con o municipio y a nación a la quala perteneixe y a las chents que l’habitan ye un elemento que, entre atras avantallas, opera sobre o desembolique social y economico como un revulsivo formidable”.

Fuent: http://www.ejea.es/noticias.php/el-ayuntamiento-desea-fomentar-la-ejeanidad-a-trav%C3%A9s-de-sus-convecinos-residentes-fuera-de-ejea/2134

5 Rispuestas a Eixeya d’os Caballers quiere fomentar a “ejeanidad” dende “a espanyolidat”

  1. Y mientres charran de la ejeanidat, aragonesidat u espanyolidat, s’oblidan que nomás importan os ejeanos, aragoneses y espanyols… a muir cardelinas, sinyor Lambán!

  2. cuasi exeano en a diaspora

    Sobre tot con ixas pegatas, no floras! Lambán ye Lambán.

  3. Holio que matután que ye l’hombre iste, quan parix que no podeba estar-ne más siempre puedes levarte una sorpresa.

  4. zorro como un cesto

    Si as declaracions ixas las he feitas Lambán en o momento de fer-le a foto que ilustra l’articlo, bi ha una explicación lochica: se clama “intoxicación etilica”. En casos extremos, puede tornar-se cronica, como pareixe haber pasau a atros altos cargos socialistas. Será ta millor sobrellevar os cinco millons d’aturaus. Seguro que ixa “ejeanidad desde la españolidad” aduya muito.

  5. Ese torpedo sexual, ese hombre malo de la pradera nacido después de los dolores, te das kuennn….

    Iste tipo parix un humorista. Cada vegada que charra, diz una fatera. Lo problema ye que ye un politico aragonés con gran capacidat de influencia en o segundo partido d’Aragón.

    Bellas vegadas soi un extrancher en o mío país!!!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.