‘El Bergantes no se toca’ convoca una manifestación pa iste sabado

Prencipian as mobilizacions contra a construcción en Auguaviva d'un entibo en o río Alcherez por parte d'a CHE

bergantes-LOGO2-297x300A plataforma vecinal ‘El Bergantes no se toca’, continando con o suyo quefer de mobilización contra o prochecto d’a CHE pa la construcción d’una presa de laminación en o río Alcherez (Bergantes en castellano), convoca una manifestación pa iste sabado 10 d’agosto en Auguaviva.

A chornada reivindicativa prencipiará a las 18.00 horas, con una concentración en a plaza d’Espanya d’a localidat. Media hora mas tarde, a comitiva prencipiará o suyo recorriu ent’o río, an que ye prevista a plegada dimpués d’aproximadament una hora de gambiada. Allí, en una chopera muit cercana a l’emplazamiento trigau por a CHE pa la construcción de l’entibo, se desembolicará l’acto final d’a protesta.

‘El Bergantes no se toca’ trigó ista calendata considerando-la muit simbolica, en estar coincident con o patrón d’a localidat, Sant Lorient, y en a semana previa a las fiestas mayors, quan muitos oriundos auguavivanos desfrutan d’as suyas vacancias estivals en o lugar.

Amás, dende a plataforma se fa un clamamiento pa que totz os y as manifestants acudan vestius con as camisetas que s’han distribuiu dende o grupo, y les anima a parar as suyas propias pancartas, pa dar mayor visibilidat a la reivindicación.

Fuent: http://arainfo.org/2013/08/el-bergantes-no-se-toca-convoca-una-manifestacion-para-este-sabado/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.