El Corte Inglés eliminará 180 puestos de treballo iste mes

Dica o 22 de noviembre no se sabrán as condicions de l'ERE que planteya El Corte Inglés.

Piquete en "El Corte Ingles" o pasau 29 M (Foto: Arainfo)

Piquete en “El Corte Ingles” o pasau 29 M (Foto: Arainfo)

Planificación y Control Logístico (P y C),interpresa que chestiona os servicio ta remeter, carriar y descarriar en os supermercaus d’o Grupo El Corte Inglés, comunicó o pasau 23 d’octobre a decisión de fer un ERE d’extinción que suposa más de 180 personas forachitadas. A causa ye en a cancelación y/u achique d’o servicio achustau de man de El Corte Inglés y a dificultat de PyC ta recolocar a istos treballadors en atros puesto, seguntes informan en una nota de conchunta os sindicatos OSTA y UGT. “Agora mesmo nos trobamos en o periodo de consultas y encara no conoixemos as condicions finals d’os que marchen d’a interpresa, ya que somos estudiando tamién posibles recolocacions tanto aintro d’a interpresa como en interpresas d’o grupo“.

Cuanto a la decisión de El Corte Inglés, os sindicatos penan por a mesma y concluyen que “han de tener a intención de que os treballadors suyos prengan ixas fainas ta cabidar porque o servicio se yera fendo d’unas trazas prou profesionals. Adhiben que “ye una pena ya que charramos de chent muito treballadera y belunas muitos antigas en o treballo”.

O resultau final d’as negociacions se conoixerá o 22 de noviembre, y por l’inte s’amuestran “preocupaus” ya que “no bi ha guaires posibilidatz de mantener os puesto, asinas que ye alazetals que as condicions d’os forachites sigan as millors posibles”. Ta rematar, adhiben que “aquí tenemos una preba de que no ye oro tot lo que fa luz, ya que igual como deciden fer inversión ta ubrir en Puerto Venecia, tamién prenen decisions t’achiquir gastos que levan perdas de puestos de treballo”.

Fuent: http://arainfo.org/2012/11/el-corte-ingles-eliminara-180-puestos-de-trabajo-este-mes/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.