O ICMA presienta un furno laser que amillora as propiedatz d’a ceramica y o veire

O furno ye en CEEIARAGON Zaragoza y os suyos promotors treballan ya t'aplicar-lo a las necesidatz d'a producción industrial, con qualques interpresas de tot lo mundo intresadas

O conseller d'industria, Arturo Aliaga, en a presentación d'o furno

O conseller d’industria, Arturo Aliaga, en a presentación d’o furno

O Instituto de Sciencia de Materials d’Aragón (ICMA) ha conseguiu creyar un furno que permite chenerar ceramicas y veires más resistents, baratos y ecolochicos combinando o cocer tradicional con o laser y de trazas respetuosas con o medio ambient. Istas instalacions s’han presentau en un acto feito en a nau de treballo y en Itainnova con a presencia de bells cargos d’o gubierno, a universidat y o mundo d’a investigación.

O furno permite meter a altas temperaturas nomás a superficie de recholas y revestimientos ceramicos sin que se curven u estricallen, con lo que se consiguen decoracions visteras y mayor dureza, encara que se baixe a la metat l’espesor d’as recholas. Ixo permite disminuir tamién a cantidat d’augua y materias primas que cal en o proceso de fabricación, antimás de fer posible l’emplego de materials más lixeros que les cal menos temperatura de cocción, gasto enerchetico y emisión de contaminants.

Os promotors d’ista maquina treballan ta t’adaptar-lo a las necesidatz d’a producción industrial, pero tot apunta a que se puede fer conseguindo cabidar millons en enerchía, archilas, augua y emisions de CO2. A ideya ya ye estada patentada por os miembros d’o ICMA promotors y bi ha arrienda interpresas de tot lo mundo intresadas en o suyo posible emplego.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.