Els Catarres trayen a suya chira GPS ta Zaragoza

A colla presentará o suyo zaguer disco "Postals"

portaladaEls Catarres han incluyiu a Zaragoza entre as ciudatz que visitarán en a suya chira GPS. Ye a primer vegada que ista colla d’o Vallés Oriental (Catalunya) tanyerá en Zaragoza. Lo ferá iste viernes en a sala Z, a las 21:30, adintro d’una chira que les levará por Aragón, Galicia, Castiella u Euskal Herria, antimás de por buena cosa de lugars y ciudatz de fabla catalana. A chira rematará en mayo con una sesión doble en a sala Apolo de Barcelona os diya 14 y 17.

Els Catarres presentarán o suyo nuevo disco Postals, con un repertorio de tot nuevo y una formación esviellada y ixamplada con una sección de vientos y batería. O soniu d’a colla barracha folk y pop, con reggae, country, corrido u bossanova, con un directo bien bailable y muito divertiu.

A colla se fació conoixida en 2011 con un video que en pocos meses sumó cientos de mils de visitas y que ya en leva más de dos millons. Yera Jenifer, una historia d’amor entre un catalán “muito catalán” y una “choni” de “Castefa”. Dende alavez, internet fació plegar a suya mosica a muita chent aintro y difuera de Catalunya. Os suyos dos discos se pueden descargar de baldes dende a suya pachina web. As entradas t’o concierto se pueden mercar en a suya web a o pre de cinco euros, u de ueito con o zaguer disco.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.