Emotiva y reivindicativa entrega d’os “Premios Coagret 2014”

URA Nueva Cultura de l'Augua y a Plataforma Xuquer Viu estioron os galardonaus en ista edición

Emilio Gastón entregando os premios. Foto: AraInfo

Emilio Gastón entregando os premios. Foto: AraInfo

Iste cabo de semana s’entregoron en Zaragoza os Premios Coagret 2014 a Fito Jiménez, d’URA Nueva cultura de l’Augua Nafarroa, y a la plataforma Xuquer Viu d’o País Valenciano.

En l’acto, que se realizó en o Centro de Documentación de l’Augua y o Medio Ambient, institución publica creyada a iniciativa d’o Concello de Zaragoza como un centro publico de recursos d’información y documentación sobre augua y medio ambient con un servicio d’información, documentación y biblioteca, y que ye ubicau en a ribera d’o Ebro d’a capital d’o país, intervinioron miembros d’a Chunta directiva de Coagret como Valentín Cazaña, Julián Ezquerra y Charo Giménez, recordando “a situación actual d’os conflictos ubiertos en Aragón, como Yesa, Biscarrués, Mularroya y Auguaviva, y a oposición social a o Plan de cuenca d’o Ebro“, aprebau fa unas semanas, y que “luen de fer un poder por dar respuesta a la necesidat d’establir uns cabals ecolochicos que amilloren o estau d’as masas d’augua d’a Cuenca, no ye que un catalogo d’obras insostenibles y irracionals”.

O que estase primer Chusticia d’Aragón “moderno” y fundador de Coagret, Emilio Gastón entregó o premio a Fito Jiménez, que recordó “a situación actual d’o conflicto de Yesa, y as proximas accions a realizar, como a chornada tecnica que i habrá en Sangüesa o 10 de mayo“. Os profesors d’a Universidat de Zaragoza y fundadors tamién de Coagret, Javier Martínez Gil y Pedro Arrojo entregoron o segundo premio a la Plataforma Xuquer Viu. Replegoron o premio o president Roger Pons y Graciela Ferrer, tamién d’a plataforma, que contoron como “o mesmo viernes de mediodías o Consello de l’Augua d’a cuenca d’o Xuquer aprebó o suyo plan de cuenca, sin parar cuenta en as alegacions y propuestas d’a Plataforma”.

Os premios en ista ocasión estioron sendas fotografías enmarcadas de Carlos Mata y Pipa Álvarez.

Fuent: http://arainfo.org/2014/03/emotiva-y-reivindicativa-entrega-de-los-premios-coagret-2014/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.