Empachan a un boxiador australiano portar una chambreta con o sinyal d’os aborichens en os Chuegos Olimpicos

O Comité Olimpico Australiano le ha viedau de tornar a portar-lo y o Comité Olimpico Internacional le ha obligau a desincusar-se

O boxiador Damien Hooper participó o lunes pasau en os Chuegos Olimpicos de Londra con una chambreta portando o sinyal d’os aborichens australianos; o Comité Olimpico Australiano le ha viedau de tornar-lo a fer. O Comité Olimpico Internacional no le sancionará, pero le han obligau a sincusar-se y asegurar que no la tornará a portar.

Mientres o combate contra un adversario d’os Estaus Unius, Hooper querió representar a la suya cultura. “De seguras que no me fería goyo si me sancionasen, pero soi argüelloso d’haber-lo feito”, dició Hooper, que ye o boxiador de peso lichero numero dos d’o Mundo.

“Soi aborichen y no nomás represento a la mía cultura soque tamién a la mía chent. Soi contento d’haber-lo feito”, afirmó Hooper.

O Congreso Nacional d’os Primers Pueblos d’Australia da o suyo refirme a Hooper y ha dito que o feito d’estar obligau a desincusar-se ye una “locura democratica”. En un comunicau, han dito que o boxiador tien dreito a amostrar a suya identidat y que no ye obligau a sincusar-se por ixo.

Fuent: http://www.jornalet.com/nova/596/%20empachan-un-boxaire-australian-de-portar-una-camiseta-amb-lo-drapel-dels-aborigens-als-joc

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.