Empecipia en Boltanya a VIII Muestra de Cine realizau por Mullers

20 peliculas de realizadoras de tot o mundo se dan cita dica o domingo en Boltanya

Una d'as organizadoras pencha un cartel d'a Muestra frent a o Palacio de Congresos de Boltanya

Una d’as organizadoras pencha un cartel d’a Muestra frent a o Palacio de Congresos de Boltanya

Iste chueus empecipió en Boltanya a VIII Muestra de Cine Realizau por Mullers, organizau por o Grupo de Mullers de Sobrarbe. As procheccions, que tienen puesto en o Palacio de Congresos, se prolargarán dica o domingo.

“Un viache a traviés de 20 cintas dirichidas por mullers. Curtometraches, largometraches, ficción, documental, cine de realizadoras de tot o mundo se dan cita en Boltanya pa reflexionar, redir, plorar, dispertar, dubdar, transformar-nos…”, nos explica Esperanza Liñán, una d’as organizadoras.

As cintas van dirichidas a o publico infantil, chuvenil y adulto y abordan temas como a luita colectiva, a compleixidat d’o comportamiento humano, o dreito a decidir, a emigración, o deseyo, o feminismo, l’aventura… d’a man de directoras coreanas, australianas, italianas, hongkonesas, y d’o Estau espanyol. Directoras consagradas y nuevas realizadoras.

Igual que en edicions anteriors se mantienen as seccions, Curtos en Femenino y Vidio d’o Minuto.

L’autora d’o cartel d’ista edición, en que fa un digno homenache a todas ixas mullers pioneras y amagadas en a historia d’o cine, ye Marta Ester.

A Muestra disposa d’un servicio de guardería gratuito en o Colechio Publico de Boltanya dende 15 minutos antes d’as procheccions fueras d’as sesions de nueitz.

Fuent: http://arainfo.org/2015/03/arranca-en-boltanya-la-viii-muestra-de-cine-realizado-por-mujeres/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.