Empecipia o servicio combinau d’Avanza y Renfe t’o Pirineu Aragonés

Os billetz se pueden adquirir a traviés d'a web www.renfe.com, achencias de viache y por telefono

Foto: Mikel Ortega (CC-BY-SA)

Foto: Mikel Ortega (CC-BY-SA)

Gracias a l’alianza entre o Grupo Avanza y Renfe, ya ye posible d’adquirir billetz combinaus d’AVE y autobús ta viachar dica as localidatz de Balbastro, Graus, Benás, Samianigo, Biescas, Pandicosa, Chaca, Formigal, Astún y Candanchú.

L’alcuerdo de colaboración sinyau por todas dos companyías ha permitiu de coordinar os servicios de transporte de viachers, facilitando asinas a intermodalidat gracias a la creyación d’un billet combinau de tren y autobús.

Ista ufierta permite horarios guaranciaus, un pre zarrau y un billet unico d’orichen a destín que contiene os datos de totz dos trachectos, guaranciando l’enlaz entre o tren y l’autobús y optimizando a lo maximo o tiempo de connexión en as estacions de Zaragoza Delicias y Uesca. Os billetz pueden crompar-se en a pachina web de Renfe u a traviés d’o suyo servicio de venda telefonica y en achencias de viache.

O director de Larga Distancia d’Avanza, Pablo Martín Retortillo, ha explicau que “l’alcuerdo con Renfe reforza o compromís d’as dos interpresas por a intermodalidat”, y que l’obchectivo d’o suyo grupo de transporte ye ufrir “un servicio adaptau a las necesidatz d’os nuestros clients, pero amás, permitir a os nuestros pasachers cabidar tiempo y diners, desfrutando d’un servicio de calidat”.

Fuent: http://www.cronicadearagon.es/wordpress/?p=47608

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.