Empecipian as II Chornadas Gastronomicas d’a Tubera Negra en a provincia de Teruel

Dica 50 estableiximientos d'a provincia ufrirán tapas y menús con a tubera como protagonista

jornadas_trufa_teruel14Han estau presentadas as II Chornadas Gastronomicas d’a Tubera Negra por parte de l’Asociación d’Interpresarios Turisticos de Teruel, chunto a l’Asociación de Tuberocultors y Recolectors de Tubera d’a provincia y l’Asociación Turistica de Gudar-Chabalambre.

Entre hue 13 de febrero y dica o 9 de marzo 50 estableiximientos d’a provincia teruelana acullirán istas chornadas. Os estableiximeintos participants ufrirán tapas de tubera a 2 €, (3 € con una copa de vin d’o Semontano “Viñas del Vero”), asinas como menús de diya a 15 € y menús de degustación a 30 €.

I habrá tallers de gufanya, os diyas 19 y 26 de febrero, en Alcanyiz y Teruel, respectivament, a las 19 h. en totz dos casos con a fin d’amanar a os ciudadanos a la tubera y o suyo mundo. Pa apuntar-se-ie caldrá ninviar un mensache a l’adreza electronica info@conexionimaginativa.com.

En ista edición asinas como en a pasada, se repartirán con cada consumición, 10.000 “rascas” que pueden dar dica 300 premios en tapas u menús, productos de tubera, botellas de vin u mesmo 5 tuberas frecas.

Mas información d’as chornadas en a web www.teruelturismo.es y a traviés de Facebook y Twitter a traviés d’o hashtag #TrufaTeruel.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.