En libertat con cargos o militant d’a UJCE deteniu ahiere

Ye acusau d'atentau contra l'autoridat y resistencia y ye a l'aspera de chudicio.

Militant d’a UJCE Aragón deteniu ahiere por a policía. (Foto: El Ventano)

En istes intes plega d’estar meso en libertat provisional o militant d’a UJCE Aragón, una d’as personas detenidas ahiere en a concentración de protesta en as Cortz d’Aragón debant d’a visita d’a vicepresidenta d’o Gubierno, Soraya Saénz de Santamaría, a Zaragoza.

Mientras o maitín quantas personas s’han concentrau en os Chudgaus de Zaragoza, en a carrera Prudencio, como muestra de solidaridat y ta exichir a suya immediata libertat.

O choven deteniu, de 18 anyos d’edat, ye militant d’a UJCE Aragón. Dende ista organización s’informa de que ha estau acusau d’atentau contra l’autoridat y resistencia. A suya puesta en libertat ha estau sin fianza y ye a l’aspera de chudicio.

Ahiere El Ventano publicaba una cronica de lo succediu y en ella diciba que “Ahiere, personas d’o cuerpo de policía realizoron una posada debant de Chefatura, tallando o trafico mientras bells quince menutos. O mesmo chefe que ista tarde ha desaloixau sin miramientos a os manifestants yera o que ahiere deixó que os suyos companyers seguisen con a posada sin plegar a intervenir. Pero, claro, hue yera Soraya en Zaragoza”.

O periodico La República replega tamién a noticia con a nota de prensa d’a UJCE Aragón. En a cuenta de twitter d’a UJCE Aragón se puede seguir a información actualizada.

Fuent: http://arainfo.org/2012/07/en-libertad-el-militante-de-la-ujce-aragon-detenido-ayer/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.