En o punto meyo d’a tecnolochía y a comunicación

Daniel Torres Burriel

Ye curioso pero m’ha costau muito más d’o previsto arrancar a escribir t’un nuevo meyo. Ye una cosa nueva en yo, asinas como lo ye saber que as mias parolas estarán transformadas a un atro idioma d’o que yo foi servir ta escribir y ta charrar. Y ye curioso pero brenca más. No va dillá d’o calificativo curioso porque, igual como pasa con a tecnolochía, l’idioma lo concibo solo que como una ferramienta. Porque a la fin o que importa ye o mensache, o que se diz, qui lo diz y a qui le’n diz. En definitiva, aquel viello esquema d’a comunicación: emisor, mensache, receptor. Dezaga de l’emisor y d’o receptor lo que bi ha no son que personas. Y d’ixo se tracta.

Iste ye quasi o mesmo discurso que dende fa anyos tracto de predicar d’entre os mios clients quan me gritan ta que les aduye con a usabilidat d’a suya web. A tecnolochía rai, a plataforma rai. L’important ye l’emisor y o receptor. Y evidentement importa lo mensache, pero lo que importa ye que chipie, qu’embuiga a totz dos actors, que prevoque reaccions y tienga resultaus.

Y ta yo ixo ye Arredol. Un nuevo meyo de comunicación, valient, atreviu, modesto, dichital, ubierto, colaborativo. Y encara que a mia luenga mai no siga l’aragonés, l’idioma d’a mia tierra, ye secundario. Escribo en castellan y lo leyetz en aragonés. O que m’importa ye que haigatz plegau dica aquí.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.