Encuestas y eleccions

Gonzalo González

Dimpués de conoixer que finalment i habrá coalición *CHA-IU t’o 20N y as altas probabilidatz que  saque una cadiera a o PSOE, no existen mayors novedatz respective a las previsions de resultaus en Aragón. Coinciden con as tendencias que s’anuncian en l’ambito estatal. Iste zaguer domingo s’han publicau quantos sondeos d’intención de voto (El Mundo, La Razón y La Vanguardia) sobre las proximas eleccions espanyolas. As coincidencias son pro similars a las realizadas por atros meyos, y si se confirmasen, o scenario d’o 20N sería o siguient:

O PP obtendrá mayoría absoluta aconseguindo os suyos millors resultaus: entre 186 y 193 cadieras. O PSOE tendría os piors resultaus d’a suya historia nomás continparables con as eleccions de 1977, entre 115 y 122 cadieras. Se producirá una puyada d’a presencia de partius nacionalistas, de 24 cadieras a una forquilla entre 36 y 41, destacando a dentrada de Amaiur-Bildu (4-5 cadieras) y o creiximiento de CiU. Dentrarán nuevos partius, en solitario (Partiu Andalucista, PRC, Amaiur, Foro Asturias, Equo), u en coalición (Compromís). Entre as fuerzas minoritarias varias son pro amanadas a la constitución de colla parlamentaria propia (IU, UpyD, Amaiur). Por tanto, o scenario coincident ye un parlamento controlau sin garra problema por o PP, un PSOE muit enfebliu, y una atomización de collas minoritarias. A participación baixaría respective a anteriors eleccions.

O PP mantiene una absoluta fidelidat de voto y recibe mas d’a meitat d’os votos que tresbate o PSOE, a resta los pierde enta IU, UpyD y l’abstención. Tamién o PSOE se veyería castigau por o voto no ideolochico, aquells ciudadans que en as enqüestas no se ubican en a tradicional escala d’1 a 10, estando l’1 muit de cuchas, o 5 o centro, y o 10 muit de dreitas. Gosan representar arredol d’o 20% de l’electorau y tradicionalment han votau a o partiu en o Gubierno, independentment d’as siglas. En ista ocasión, o voto ideolochico castigaría a o Gubierno y votaría a o PP, isto explicaría que se estricalle o sulero electoral d’o PSOE.

Cunde a sensación de que tot ye ya decidiu, y ye cierto que a victoria d’o PP ye practicament una realidat. Pero encara i hai qualques incognitas que pueden estar relevants. Manimenos os 13 puntos d’avantalla d’o PP, en atras ocasions o voto amagau d’o PSOE ha permitiu retallar distancias a os socialistas, por o que podría haber marguin ta privar a mayoría absoluta. Amás existe un factor que ye en l’aire y no replega garra sondeo. Se tracta de l’impacto que podría tener una declaración d’ETA respective a la suya disolución en uns termins plateros y definitius. Tot y que en istes momentos o conflicto vasco no figura entre os prencipals problemas d’os ciudadans por a tregua y l’impacto d’a crisi economica, sería un feito historico por si mesmo. O suyo impacto electoral podría aturar a sangría de votos d’o PSOE chitando por tierra a trunfal mayoría absoluta d’o PP seguntes o reparto de cadieras en qualques circunscripcions. Asinas que no adebantemos escayecimientos y asperemos a o 20N.

4 Rispuestas a Encuestas y eleccions

  1. Merci Gonzalo!

  2. ¿que partido es el PRC ? ¿ algo de Canarias ?

    No estoy de acuerdo en el grupo parlamentario de IU siendo que IcV ha declarado publicamente que formaria grupo con EQUO llegando aun acuerdo de temporalidad y/o presentacion de propuestas con EUiA.

    Como resultado de que ya sabemos que caballo va a ganar , lo mas interesante de la noche del 20N sera cuantas cuadras van a existir.

    saludos

    • Charo, el PRC es el Partido Regionalista de Cantabria, el del señor bigotudo ese que se dedica a salir en la TV regalando anchoas a diestro y siniestro.
      Pero que yo sepa hasta ahora nunca se había presentado a las generales, aunque me sorprendería mucho que sacasen representación.

Responder a Sarsamarcuello Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.