Enta una chestión responsable d’os repuis en Zaragoza

Bi participaran concellers, vecins y representants de l'asociacion Retorna

Furgoneta de RetornaO lunes 26 y o martes 27 de setiembre plegará en Zaragoza o Retorna Tour. A Plaza d’o Pilar será o puesto a on se meta a furgoneta de Retorna, una iniciativa que ye promovendo por tot l’estau o Sistema de Deposito, Devolución y Retorno d’envases (SDDR)

A furgoneta de l’asociación Retorna leva tot l’estiu esnavesando l’estau espanyol con un obchetibo esclater: fer conoixer a os ciudadans atra traza de reciclar más chusta ecoeficient y economica, que nos permita disfrutar de ciudatz libres d’envases.

Asinas, en pasando por Madrid, Valencia, Mallorca u Barcelona, o Retorna Tour ha replegau decenas de mils de envases. Allá t’a on que pasa, a chent ye deseyando de conoixer y colaborar con un sistema más chusto, eficient y economico.

Entre as 5 y as 9 d’a tardi d’o venient lunes, todas las zaragozanas y zaragozanos podrán amanar-se t’a furgoneta de Retorna aparcada en a Plaza d’o Pilar. As que leves os suyos envases de bebida y los fiquen en a maquina, recibirán 5 centimos por cadagún, que tamién podrán donar t’a Federación Espanyola de Bancos de Virolla )FESBAL).

A presencia d’o Retorna Tour en a Zaragoza coincide con a celebración d’a ExpoRecicla. o martes de maitins, a furgoneta s’instalará en a puerta d’a Feria de Muestrar de Zaragoza, a on que distintos representants de Retorna, como Domingo Jiménes Beltrán, o suyo president, participarán en as ponencias y debatz proposaus en a tercer edición d’ista feria internacional sobre reemplego y reciclache.

Con motivo d’ista visita todas as collas politicas con representación en o Concello de Zaragoza son convidaus a una reunión con os representants de Retorna, entre qui serán Ecologistas en Acción. En ista fita se planteyarán as posibilidatz que bi ha en a ciudat enta una chestión responsable d’os repuis. A colla de IU en o Concello de Zaragoza presentó en a comisión d’Aición Social, Servicios Publicos y Chovenalla una moción t’a promoción d’o sistema de deposito, devolución y retorno d’envases (SDDR) que s’aplica dende fa anyadas en países como Alemania, Holanda u Noruega. CHA y PSOE tamién han amostrau ya o suyo refirme a ista iniciativa.

Retorna ye una asociación sin animo de lucro integrada por achents socials, interpresas, colectivos ecolochistas e institucions, que l’obchetivo suyo ye promover un modelo sostenible de producción y consumo, empentando a recuperación y reciclache maximos de repuis.

Retorna proposa, seguindo directrices europeas cuanto a recuperación de repuis, un sistema moderno de deposito ta envases de bebidas, parellano a o que existiba fa bellas anyadas quan tornabanos o casco. Iste sistema plega en unos indices de recuperacion d’o 98% fendo servir o reemplego d’os envases y un reciclache de muitisma calidat que transforma repuis en materia prima y escosca ciudatz, plachas y campos de repuis. En totz os paises a on s’ha implantau ye un exito: exito economico porque deixamos de malfurriar recursos; exito social porque creya mils de puesto de treballo verdes remuneraus por a gran valor d’os materials recuperaus. Y exito ambiental porque tot lo que chestiona deixa d’ir t’o meyo ambient, t’as cremadoras y verteders, y porque fa que no calga tanta materia prima.

 

Fuent: http://www.kaosenlared.net/noticia/hacia-gestion-responsable-residuos-zaragoza

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.