Entidatz vecinals y ecolochistas ferán una chornada por os arbols de Zaragoza

Demandan un plan de protección t'os arbols singulars d'o Parque Bruil. O domingo de maitins se i ferán actividatz.

Litoner d'o Parque Bruil
Litoner d’o Parque Bruil

Amanar-nos t’os nuestros arbols monumentals: una ciudat ta vivir a naturaleza’ ye o nombre que  cualques entidatz vecinals y ecolochistas han exleixiu ta fer una chornada d’actividatz iste domingo en o Parque Bruil. Mientres tot lo maitín se i ferán cuenta cuentos, mosica, poesía… endrezau t’a catrinalla y os adultos.

As actividatz se ferán arredol d’a carrasca d’o parque, que tien bellas cient anyadas y ye un d’os arbols monumentals más importants d’a ciudat. Os convocants han remerau que a mayor presencia d’arbols antismas feba d’as plazas ‘un puesto más apacible t’a trobar-se-ie’ y que os arbols contribuyen a la biodiversidat y a amillorar a calidat de l’aire.

Cuanto a la carrasca d’o parque critican que lo concello ha meso un rechistro de conducción que l’ha feito mal a las suyas radices y que contina sin fer-se o plan de mantenimiento y protección a tamás d’estar en o catalogo d’arbols singulars aprebau por unanimidat en o concello.

Mientres a chornada reivindicarán ‘un plan de protección t’a carrasca, os litoners y l’alcacia, os arbols singulars catalogaus d’o Parque Bruil.

As entidatz convocants son: AV Madalena, Avv. Parque Bruil, Ansar, AMPA C.P. Tenerías, Gusantina, Colechio Publico Tenerías, Ecologistas en Acción, Decrecimiento Aragón, Avv Actur Puente Santiago y Avv La Paz.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.