ERE ta 39 treballadors d’o Grupo Nozar

L'ERE contina entabant, encara que l'hotel ha puyau o numero de visitants iste estiu

L'Hotel Las Margas ye un d'os afectaus por l'ERE. Autor: Sabiñánigo online

Encara que o Grupo Nozar ha teniu un incremento de visitants iste verano d’o 10% en o complexo turistico d’o Balneario de Pandicosa, en l’Hotel Las Margas, situgau en a localidat serrablesa de Latas, as inversions han empeorau en comparación con l’atro anyo, ye por isto que a interpresa ha decidiu de mantener l’ERE ta 39 treballadors.
Totas dos ubicacions rematón ahiere a temporada estival, que heba escomencipiau o 17 de chunio, y sobre totas dos ha cayiu un Expedient de Regulación d’Emplego (ERE), seguntes anunció a interpresa a l’atra semana. Tamien ye previsto que  l’Hotel Las Margas, que consta d’un hotel de quatro strelas y un campo de golf, tranque, ya que no ye un atractivo turistico en habendo tantos campos de golf en a costa, y tanto l’Hotel Continental como lo Balneario Aguas de Panticosa, continarán ubrindo seis meses por anyo, repartius d’entre a temporada d’hibierno y a de verano.
En dito ERE se proposan 39 extincions de contratos, tan y mientres, atros 13 pasarban a estar temporals, asinas que a plantiella pasarba a estar de 109 treballadors que bi heba dica agora a 70 treballadors.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.