Escocia declarará a independencia o 24 de marzo de 2016 si gana o sí en o referendum

Lo detalla o ‘Libro blanco’ que o gubierno escocés publicará o martes

Interior d'o Parlamento escocés. Foto: Mogens Engelund (CC-BY-SA)

Interior d’o Parlamento escocés. Foto: Mogens Engelund (CC-BY-SA)

O 24 de marzo de 2016 ye a calendata que o gubierno escocés planteya ta declarar formalment a independencia respective a la Gran Bretanya, si gana o sí en o referendum d’o 18 de setiembre proximo. Asinas l’ha revelau a viceprimer ministra escocesa, Nicola Sturgeon. A calendata ye incluida en ‘un Libro blanco‘ sobre a independencia, que se presentará o martes en Glasgow. O documento, de 670 pachinas, incluye muitos detalls sobre Escocia si triunfa o sí en a consulta de l’anyo venient.

‘Ista guida enta una Escocia independient será o plan mas completo y detallau d’istas caracteristicas que s’haiga publicau nunca’, seguntes Sturgeon, que lo considera ‘un documento historico en que s’exposan os argumentos economicos, socials y democraticos d’a independencia‘.

‘Contrimuestra a fortaleza economica d’Escocia y detalla como escayeixeremos independients: as negociacions, preparativos y acuerdos requerius entre o periodo de transición dende o voto d’independencia d’o setiembre venient dica a nuestra propuesta de día d’a independencia, o 24 de marzo de 2016, chusto a tiempo t’as primeras esleccions d’un parlamento escocés independient, en mayo d’ixe anyo.’

O 24 de marzo ye o cabo d’anyo d’a sinyadura de l’acta d’Unión, que define os termins d’unión entre Anglaterra y Escocia dende 1707.

Fuent: http://www.vilaweb.cat/noticia/4158035/20131124/escocia-declarara-independencia-24-marc-2016-guanya-referendum.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.