Escocia podría fer un referendum por a independencia en dos anyos

David Cameron accepta que siga vinculant y proposa que se faiga antis de 18 meses

David Cameron (Foto: North Ireland Assembly)

David Cameron (Foto: North Ireland Assembly)

O primer ministro britanico, o conservador David Cameron, ha anunciau que ufrirá a lo gubierno escocés a posibilidat de fer un referendum por a suya independencia en os venients 18 meses. Antimás d’iste plazo, Cameron mete como condicions que en o referendum, que sería vinculant,  no se faiga que una pregunta y que os dos parlamentos, o britanico y l’escoces sigan d’alcuerdo en fer-lo.

O gubierno escocés, con mayoría d’o SNP (Partiu Nacionalista Escocés), planteya bellas esferencias en iste referendum. Quieren fer-lo en 2014, coincidindo con o cabo d’anyo d’a baralla de Bannockburn, que ganoron os escoceses contra os angleses. Tamién preban de incluyir-ie atras preguntas sobre l’autonomía financiera antiparti d’a pregunta sobre a independencia.

En declaracions ta Sky News, Cameron dició que, en cualsiquier caso, no le feba goi ‘que una parti d’o Reino Uniu se quiera fer a pregunta de si ye millor difuera’. D’atra man, en a BBC Nicola Sturgeon, numer dos d’o gubierno escocés, acusó a Londra de querer-les imposar o calendario y demandó a os partius liberal y socialdemocrata que no participasen en as dicusions Tamién declaró que ‘contra más interfieren os gubiernos Tory en a democracia escoces, más refirmes t’a independencia conseguimos’.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.