Escomencipia a aplicar-se o polemico aumento d’as taxas chudicials

A mida ye empentada nomás por o PP. Ha motivau muito refuse entre chueces, fiscals y advogaus

A nueva lei de taxas chudicials espanyola empecipia a aplicar-se hue, y preveye aumentos de 50 euros dica 750 en as taxas. Amás, os ciudadans habrán de pagar por primer vegada en a churisdicción social y dica 1.200 euros si quieren recurrir a o Tribunal Supremo en a vía civil y contenciosa administrativa. A norma, tramitada con caracter d’urchencia, estió aprebada entre a chornada d’a huelga cheneral con os votos d’o PP en o senau.

‘O dreito d’a tutela chudicial efectiva no s’ha de trafucar con o dreito d’a chusticia gratuita’, diz o preambulo d’a norma, una frase dirichida a l’amplo refuse que ha orichinau entre os grupos d’a oposición y o conchunto d’actors churidicos, que consideran que a puyada cheneralizada d’as taxas dificulta l’acceso a os tribunals y tendrá un efecto disuasorio.

As taxas plegan agora no nomás a las personas churidicas, soque tamién a las fisicas. En quedan exentas as que acrediten insuficiencia de recursos ta pleitiar y sían beneficiarias d’a chusticia gratuita, como tamién o ministerio fiscal, as administracions publicas, as cortz chenerals y as asambleas lechislativas d’as comunidatz autonomas.

Refuse de chueces, fiscals y advogaus

A mida ha estau refusada por un amplo sector chudicial, con manifestacions ineditas dica agora. Muitas asociacions d’advogaus, chueces, fiscals y representants d’a ciudadanalla han exichiu a o president espanyol, Mariano Rajoy, que se siente a negociar con ells ta conversar de ‘poder a poder’, ye dicir, ‘dende o poder executivo a o poder chudicial’ a resultas d’o fracaso d’as negociacions con o ministro de Chusticia, Alberto Ruiz-Gallardón. Con tot, Rajoy ya ha manifestau o suyo refirme a las midas de Gallardón, que troba ‘sensatas y equilibradas’: ‘Ha feito un esfuerzo ta charrar y, naturalment, tien o refirme d’o gubierno y d’o suyo president’.

Fuent: http://www.vilaweb.cat/noticia/4065768/20121217/comenca-aplicar-polemic-augment-taxes-judicials.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.