Fendo Orella regala bonos de refirme a Xaloa Telebista

O programa de radio en aragonés Fendo Orella regala bonos de refirme a os primers que les escriban cualcosa en aragonés

Fendo Orella, o programa en aragonés de Radio Topo (101.8 FM Zaragoza), que agora tamién s’emite en Radio Chabolo (107.6 FM Zaragoza) regala mientres totz istos días y dica o venient chueves 22 d’aviento bonos de refirme a Xaloa Telebista ta participar en os sorteus de grans premios d’ista televisión en euskera que emite dende a val de Baztan, en Nafarroa.

 

Ta conseguir-los no cal que escribir-les recentando cualsiquier cosa en aragonés a fendo.orella@gmail.com u dixar un post en o suyo blog.

 

Xaloa Telebista ye una cadena de televisión navarra que emite de raso en euskera y que s’ha visto afectada por as retalladas. En 2009 recibió d’o gobierno navarro 70.000€ y en 2010, 60.000 €. En o 2011 no ha recibiu brenca. Ye por recaudar diners que ista televisión d’a val de Baztán ha decidiu de fer ista rifa

 

A más de por parti de Fendo Orella,  se pueden conseguir más bonos de refirme ta participar en a rifa de premios en os puestos habituals d’o zaragozano Vico d’a Madalena.

Fuent: http://fendoorella.wordpress.com/2011/12/17/participa-en-a-rifa-de-bonos-de-refirme-a-xaloa-telebista/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.