Modesto Lobón vesita a Reserva Natural Dirichida d’os Sotos y Galachos de l’Ebro

“Turismo en humidals: una gran experiencia” ye o lema esleiu ta iste anyo.

Modesto Lobón presencia a liberación d'una cigüenya en os Sotos y Galachos de l'Ebro. (Foto: Aragonhoy.net)

Con motivo d’a celebración d’o Día Mundial d’os Humidals, o consellero d’Agricultura, Ganadería y Meyo Ambient, Modesto Lobón, chunto a o Director Cheneral de Conservación d’o Meyo Natural, Pablo Munilla, han visitau hue la Reserva Natural Dirichida d’os Sotos y Galachos de l’Ebro.

Una calendata que coincide con a sinyatura en l’anyo 1971, en a ciudat iraní de Ramsar, d’a Convención relativa a os Humidals d’Importancia Internacional, especialment como Habitats d’Aus Aquaticas.

Ye un d’os tractaus intergubernamentals mas antigos, ya que estió o primer que se sinyó en materia de meyo ambient, y que se conoixe tamién como Convenio de Ramsar, a o que s’adhibió l’Estau Espanyol en l’anyo 1982. Actualment i hai en l’Estau 73 Puestos designaus en a Lista Ramsar que represientan o patrimonio de zonas humidas existent a ran nacional.

Hue, l’obchectivo fundamental d’o Convenio de Ramsar pansa por “a conservación y l’uso racional d’os humidals, a traviés de l’acción nacional y por meyo d’a cooperación internacional, a fin de contribuir a l’aconsigo d’un desembolique sostenible en totz”.

En chinero de 2011 s’incluyoron en a Lista de Humidals dos nuevos humidals en Aragón. Se tracta d’as Saladas de Sastago-Buxaraloz (Zaragoza) y os Tremedals d’Oriuela (Teruel), que s’uniban a os ya declaraus dica a calendata en Aragón, a Laguna de Gallocanta (Teruel y Zaragoza) y o Complexo Lagunar d’as Saladas de Chiprana (Zaragoza),

Totz os humidals Ramsar aragoneses fan parte a la suya vez d’o Inventario de Humedals Singulars d’Aragón con o suyo propio rechimen de protección.

Por tot ixo, hue se celebra o Día Mundial d’os Humidals, que en ista ocasión, tien como lema “Turismo en humidals: una gran experiencia”.

O espacio fluvial que hue ha visitau o consellero, Modesto Lobón, replega una d’as tipolochías de humidals mas singulars en Aragón, y que ha estau obchecto recientment d’una ampliación d’o suyo ambito territorial.

Iste Espacio Natural Protechiu aculle un d’os ecosistemas riberáns millor conservaus d’Aragón. Son antigos meandros de l’Ebro abandonaus por succesivas modificacions d’o cauce d’o río. Istes puestos constituyen un excepcional conchunto de zonas humidas que contrastan con l’aridez d’a Depresión de l’Ebro. Como conseqüencia d’istas especials condicións, amaneixe una exuberant vechetación an troban cubillar una important variedat d’especies de fauna.

A o gran intrés ornitolochico que poseye iste espacio, ya que se pueden observar gran cantidat de martinetz y garrapescaires en estau salvache, s’une l’intrés ecolochico por as caracteristicas d’o galacho, l’intrés zoolochico por a presencia d’animals como a chineta y a loira, y l’intrés botanico por a exuberant vechetación que allí creixe. Amás, y en relación a o lema d’o Día Mundial d’os Humidals, se puede destacar l’intrés turistico-recreativo, ya que permite uellar aus y animals dentro d’o suyo ecosistema.

O Departamento d’Agricultura, Ganadería y Meyo Ambient d’o Gubierno d’Aragón, conscient d’a importancia d’istes espacios naturals como un d’os ecosistemas mas productivos y de mayor valor que proporcionan a la sociedat, realiza en os zaguers anyos importants actuacións en materia de restauración ecolochica en os humidals aragoneses, encaminadas a la conservación y mesa en valor d’as prencipals zonas humidas aragonesas.

Qualques d’istas actuacions s’han executau en o marco d’o convenio de colaboración sucrito entre o Gubierno d’Aragón y a entidat financiera “La Caixa”. Gracias a istas intervencións, s’han realizau treballos de limpieza y acondicionamiento de zonas humidas, s’han creyau rutas naturals, adequau camíns interpretativos, construiu observatorios d’aus, sinyalizau os espacios, restaurau arias forestals, y realizau treballos t’a millora de l’accesibilidat d’istes espacios.

Con tot, Modesto Lobón, s’ha referiu a l’esdevenidero d’istes espacios, a o mesmo tiempo que  elochiaba a commemoración d’iste Día Mundial. “Ye important celebrar o día de hue, porque fa 41 anyos que prencipió d’una traza estable a preocupación por o meyo ambient. L’esdevenidero d’istes espacios ye positivo, ya que imos a dedicar más de meyo millón d’euros a o suyo mantenimiento y más de dos millóns destinaus a implantar midas agroambientals ta zonas d’influencia y de municipios buegants”, ha precisau. Amás, ha amostrau especial intrés por os Centros d’Interpretación d’istes espacios, ya que cada anyo pasan por ells, mas d’11.000 escolars. “L’obchectivo, amás de fer-nos-ne por o cudiau d’o meyo ambient, ye empentar o turismo meyoambiental, que a o mesmo tiempo ye sostenible”, ha concluiu.

D’atra man, o Director Cheneral, Pablo Munilla, ha destacau que “un d’os obchectivos mas immediatos que tiene o departamento ye a constitución d’o nuevo Patronato d’ista Reserva Natural Dirichida d’os Sotos y Galachos de l’Ebro”. Amás, ha asegurau que dende l’anviesta presupuestaria, “i hai millors expectativas que en anyos anteriors, ta poder fer as diferents actuacións previstas”.

Fuent: http://www.aragonhoy.net/index.php/mod.noticias/mem.detalle/relmenu.51/id.109105

Una rispuesta a Modesto Lobón vesita a Reserva Natural Dirichida d’os Sotos y Galachos de l’Ebro

  1. (Sincusad por fer servir o castellano, m’explico millor…)

    He flipado un poco con esta noticia… porque me esperaba que Arredol contrastara sus informaciones y no hiciera un simple “copia-y-pega” de la página del Gobierno de Aragón.

    Me ha llamadp mucho la atención el titular, sobre todo porque ese “esdevenidero prometedor” es una auténtica mentira que ralla la burla. Y es que durante el mes de enero se han cerrado todos los centros de Inrteprretación de Aragón (excepto Gallocanta), sus trabajadores tiene unos contratos basura discontinuos que les hacen estar con el culo al aire durante buena parte del año, sin ningún tipo de garantía de permanencia y con unos sueldos míseros que ya se han bajado 3 veces en 14 meses. Eso sin contar con que a partir de junio NO está contemplada ninguna partida presupuestaria para ellos… con lo que es más que probable que vuelvan a cerrar. (Y ya no hablo de la rosca que se le hace a la Caixa).

    Me parece casi vergonzoso que se le de cobertura a estas declaraciones, francamente. Y ya de risa es la frase de “ha asegurau que dende l’anviesta presupuestaria, i hai millors expectativas que en anyos anteriors”.

    Vamos que nos mean y dicen que llueve…

    sin acritud eh? ;p)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.