Esfendemos as luengas critica o tracto a las luengas d’Aragón en os medios publicos

Denuncia que s'amagan as parolas "luenga aragonesa" u "luenga catalana"

capturaEsfendemos as luengas ha tornau a fer publica unatra denuncia sobre as politicas lingüisticas en Aragón y en os medios publicos. En ista ocasión, l’obchectivo d’as criticas son bells programas de Aragón Radio como “Somos” u “La escueleta” que, seguntes Esfendemos as luengaspreban de ridiculizar as luengas propias d’Aragón: aragonés y catalán, por medio de “palabricas” y chistes fácils. Fendo-nos creyer que son feitos isolaus de lugars de l’Alto Aragón u d’as sarras teruelanas, y no pas parti de dominios lingüisticos.”

En a denuncia, que se puet leyer completa en o suyo blog, vinclan istos programas con a politica feita por os gubiernos PP-PAR y PSOE-PAR mientres as zaguers decadas. A istos partius, les acusan de “controlar os medios de comunicación” mirando de “entibocar, amagar y fer comedia d’a pluralidat trilingüe d’aragón.”

“Pa forro de boto, se refirma a eterna visión provinciana de que l’aragonés y o catalán son cosa de quatre paroletas de lugar, que tasament tienen ligallo con belatros lugars d’a redolada. Negando-les a suya urbanidat u a continidat con os suyos dominios lingüisticos más amplos. L’aragonés en tot Aragón, y o catalán en Catalunya, Valencia u Balears”, s’achibe dende Esfendemos as luengas.

A denuncia ye acompanyada, como de cutio, d’un video a on que se pueden sentir partes d’os debantditos programas.

Una rispuesta a Esfendemos as luengas critica o tracto a las luengas d’Aragón en os medios publicos

  1. Pingback: 'Esfendemos as luengas' critica el trato a las lenguas de Aragón en los medios publicos [arg]

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.